HATKANAGLE LOKSABHA : हातकणंगलेत 40 टक्के मताला गुलाल : हातकणंगले लोकसभा मतदारसंघातील सहाही विधानसभा मतदार संघात चांगले मतदान झाले आहे. एकूण 12 लाख 90 हजार 73 मतदान झाले असून, गेल्या तीन निवडणुकीचा इतिहास पाहिला तर यंदा 40 टक्के मते घेणारा उमेदवार गुलाल लावणार आहे. त्यामुळे विजयी उमेदवाराला किमान 5 लाख 16 हजार मते घ्यावी लागणार आहेत.
जनप्रवास । दिनेशकुमार ऐतवडे
HATKANAGLE LOKSABHA : हातकणंगलेत 40 टक्के मताला गुलाल : सांगली : लोकसभा निवडणुका होवून आता 15 दिवस होत आहेत. सर्वत्र आकडेमोडीला वेेग आला आहे. हातकणंगले मतदार संघात मतदानही यंदा चांगले झाले आहे. सुमारे 71 टक्के मतदान झाले आहे.अपेक्षेप्रमाणे शिरोळ, शाहूवाडी आणि हातकणंगले विधानसभा मतदार संघात 72 ते 75 टक्के मतदान झाले आहे. शिरोळमध्ये 2 लाख 15 हजार 368 मतदान झाले असून, हातकणंगलेमध्ये 2 लाख 49 हजार 820 मतदान झाले आहे. सर्वाधिक मतदान शिरोळ विधानसभा मतदार संघात 2 लाख 33 हजार 662 मतदान झाले आहे.त्यामुळे या तिन्ही मतदार संघावर सर्वांचे लक्ष असणार आहे.
HATKANAGLE LOKSABHA : हातकणंगलेत 40 टक्के मताला गुलाल
मतांच्या आकडेवारीत हातकणंगले लोकसभा मतदार संघात 2009 पासून काँग्रेस आघाडीकडे 39 टक्के मते सातत्याने राहिले आहेत. तर विरोधात 47 ते 54 टक्के मते मिळवून विरोधी उमेदवार निवडून आला आहे. याचा दोन वेळा फायदा राजू शेट्टी्ंना झाला तर एकदा फायदा धैर्यशील मानेंना झाला आहे.
HATKANAGLE LOKSABHA : हातकणंगलेत 40 टक्के मताला गुलाल : 2009 च्या निवडणुकीत राज्ाू शेट्टी त्यांच्या स्वाभिमानी शेतकरी संघटनेकडून उभे राहिले.
त्यांच्या विरोधात काँग्रेस राष्ट्रवादीने त्यावेळी खासदार असलेल्या निवेदिता मानेंना मैदानात उतरवले. त्यावेळी एकूण मतदार 14 लाख 58 हजार 560 मतदार होते. त्यापैकी 67.1 टक्के मतदान झाले. त्यापैकी राजू शेट्टींना 49.2 टक्के म्हणजे 4 लाख 81 हजार 225 मते मिळाली. तर विरोधी निवेदिता मानेंना 39.4 टक्के म्हणजे 3 लाख 85 हजार 565 मते मिळाली.
2014 च्या निवडणुकीत मोदी लाट होती. याचा फायदा राजू शेट्टींनी घेतला.
भाजप आघाडीत ते सामिल झाले. यावेळी एकूण मतदान 16 लाख 30 हजार 598 मतदार होते. यापैकी 72.9 टक्के मतदान झाले. त्यापैकी राजू शेट्टींनी 54.3 टक्के मते घेतली. त्यांना 6 लाख 40 हजार 428 मते मिळाली. विरोधी काँग्रेस आघाडीच्या मतात काहीच फरक पडला नाही. काँग्रेसच्या कल्लापाण्णा आवाडे यांना 39.2 टक्के म्हणजे 4 लाख 62 हजार 618 मते मिळाली. यावेळी मराठा संघांचे सुरेशदादा पाटील यांनी 2. 2 टक्के म्हणजे 25 हजार 649 मते घेतली.
HATKANAGLE LOKSABHA : हातकणंगलेत 40 टक्के मताला गुलाल : 2019 च्या निवडणुकीत राजू शेट्टींना भाजपशी फारकत घेतली आणि काँग्रेस आघाडीत आले.
यावेळी मतदार होते. 16 लाख 93 हजार 449. यापैकी 74.4 टक्के मतदान झाले. काँग्रेस आघाडीत राजू शेटटी येवूनही मतात काहीच फरक पडले नाही. त्यांना 39.3 टक्के म्हणजे 4 लाख 89 हजार 737 मते मिळाली. तर शिवसेनेच्या धैर्यशील माने यांना 47.1 टक्के म्हणजे 5 लाख 85 हजार 776 मते मिळाली. यावेळी मात्र वंचितच्या अस्लम बादशहा सय्यद यांनी 9.9 टक्के मते घेतली. त्यांना 1 लाख 23 हजार 419 मते मिळाली. म्हणजे त्यांनी काँगे्रेसच्या नव्हे तर विरोधी भाजप सेनेच्या मतावर डल्ला मारला.
काँग्रेसची मते फिक्स
गेल्या तीन निवडणुकीत काँग्रेस आघाडीच्या मतात काहीच फरक पडले नाही. 2009 मध्ये त्यांना 39.5 टक्के, 2014 मध्ये 39.2 टक्के तर 2019 मध्ये वंचित असूनही 39.3 टक्के
मिळाली.
हातकणंगले लोकसभा मतदार संघांची ही चौथी निवडणूक आहे. गेल्या तीन निवडणुकीत दुरंगी लढत झाली होती. त्यामुळे विजयी उमेदवाराला 49 टक्के, 54 टक्के, 47 टक्के मते मिळाली. यंदाचे गणित वेगळे आहे. यंदा चुरशीने तिरंगी निवडणूक झाली. त्यामुळे यावेळी विजयाचा आकडा यावेळी खाली येणार आहे. त्यामुळे 40 टक्के मते म्हणजे 5 लाख 16 हजार मते घेणारा उमेदवार विजयी होणार आहे.
Author: Rajkiya Live
दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.
