jain samaj news : नांदणीतील पंचकल्याण महोत्सवासाठी सोमवारी मुख्यमंत्री फडणवीस उपस्थित राहणार : शिरोळ तालुक्यातील अतिशय क्षेत्र नांदणी येथे सुरू असलेल्या पंचकल्याण प्रतिष्ठा व महामस्तकाभिषेक महोत्सवासाठी सोमवार दि. 6 रोजी दुपारी एक वाजता मुख्यमंत्री देवेंद्र फडणवीस दर्शनासाठी येणार आहेत. यावेळी आचार्य विशुद्धसागर महाराज, 10 आचार्य महाराज, 7 मुनी महाराज, 25 आर्यिका माता आदींसह विविध मान्यवरांची उपस्थिती असणार असल्याची माहिती आमदार राहुल आवाडे यांनी दिली.
jain samaj news : नांदणीतील पंचकल्याण महोत्सवासाठी सोमवारी मुख्यमंत्री फडणवीस उपस्थित राहणार
आ. आवाडे म्हणाले, शिरोळ तालुक्यातील नांदणी येथील 743 गावांचे अधिपत्य असलेल्या स्वस्तिश्री जिनसेन मठ या ठिकाणी प्रत्येक 12 वर्षांनंतर महामस्तकाभिषेक सोहळ्याचे आयोजन करण्यात येते. दि. 1 ते 9 जानेवारी या कालावधीत नांदणी येथे पंचकल्याण प्रतिष्ठा व महामस्तकाभिषेक सोहळ्याचे आयोजन करण्यात आले आहे. या महामहोत्सवासाठी उपस्थित राहण्यासाठी मुख्यमंत्री देवेंद्र फडणवीस यांना आमदार डॉ. राहुल आवाडे यांनी आमंत्रण दिले होते. त्यावेळी मुख्यमंत्री फडणवीस यांनी सकारात्मकता दर्शविली होती.
पंचकल्याणक महोत्सव कमिटीचे कार्याध्यक्ष सागर शंभूशेटे म्हणाले, हा महोत्सव नांदणीच्या सांस्कृतिक व धार्मिक परंपरेचा अत्यंत महत्त्वाचा भाग आहे. या महोत्सवात शंभरपेक्षा अधिक साधू-संतांचे एकाचवेळी दर्शन घडत आहे; तर दररोज लाखापेक्षा अधिक श्रावक-श्राविका महोत्सवात सहभागी होत आहेत.
मुख्यमंत्री फडणवीस यांच्यासोबत स्वस्तिश्री जिनसेन भट्टारक महाराज, मंत्री चंद्रकांत पाटील, मंत्री हसन मुश्रीफ, मंत्री प्रकाश आबिटकर, आम. राजेंद्र पाटील-यड्रावकर, आम. अशोकराव माने, माजी खासदार राजू शेट्टी, माजी आमदार प्रकाश आवाडे आदींसह मान्यवरांची उपस्थिती असणार आहे
Author: Rajkiya Live
दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.
