jain samaj news : भालचंद्र पाटील यांची निवड : समाजहिताचा नवा अध्याय: समाजसेवा, शिक्षण आणि संघटनात्मक कार्यात आपली स्वतंत्र ओळख निर्माण करणारे, सांगलीचे सुपुत्र व प्रसिद्ध उद्योजक मा. भालचंद्र विरेंद्र पाटील यांची दक्षिण भारत जैन सभा या प्रतिष्ठित संस्थेच्या अध्यक्षपदासाठी पुन्हा एकदा एकमताने निवड करण्यात आली आहे. ही निवड सभेच्या सन 2025 ते 2028 या त्रैवार्षिक कार्यकाळासाठी झाली असून, ही निवड त्यांच्या कार्यक्षम नेतृत्वावर समाजाने दाखविलेला विश्वासच दर्शवते.

jain samaj news : भालचंद्र पाटील यांची निवड : समाजहिताचा नवा अध्याय

एकमताने निवड – नेतृत्वाचे मान्यताप्राप्त ठिकाण

सांगली येथील शेठ रा.ध. दावडा दिगंबर जैन बोर्डिंग येथे भरवण्यात आलेल्या मध्यवर्ती कार्यकारी मंडळाच्या बैठकीत ही निवड पार पडली. 72 पैकी 68 सदस्यांनी हात उंचावून एकमुखी पाठिंबा दिला. उर्वरित चार सदस्यांनीही त्यांचे स्वागत करत एकसंघतेचा आदर्श घालून दिला. सभेच्या घटनेनुसार अधिवेशनाच्या दोन महिने आधी ही निवड होते. यावेळी कर्नाटक विभागाचे ट्रस्टी श्री. अभिनंदन रावसाहेब पाटील यांनी त्यांची अध्यक्षपदासाठी शिफारस केली व खजिनदार श्री. संजय शेटे यांनी अनुमोदन दिले. उपस्थित सर्व सदस्यांनी या निर्णयाला संमती दर्शवली.

15 वर्षांचा कार्याचा ठसा – सेवा, संघटन आणि सामाजिक बांधिलकी

मा. भालचंद्र पाटील यांनी गेल्या 15 वर्षांपासून सभेच्या कार्यात भरीव योगदान दिले आहे. त्यांच्या नेतृत्वात सभेने आधुनिकतेकडे वाटचाल केली असून समाजाभिमुखतेचा नवा आदर्श उभा केला आहे. अध्यक्षपद स्वीकारल्यानंतर केवळ सहा महिन्यांत त्यांनी सभेच्या कार्यात झंझावात उडवून दिला आहे.

सभासद संख्या दुपटीने वाढविली: दहा हजारांहून अधिक नव्या सभासदांची भर घालून संघटनेला नवसंजीवनी दिली.

नवीन बोर्डिंग सुरू: पुण्यासारख्या शैक्षणिक शहरात बोर्डिंग सुरू करून ग्रामीण व दुर्बल विद्यार्थ्यांना मदतीचा हात दिला.

शिष्यवृत्ती योजना: ‘प्रथमाचार्य शांतिसागर शैक्षणिक दत्तक शिष्यवृत्ती योजना’ अंतर्गत 20 लाख रुपयांचे वाटप.

वसुली यशस्वी: 20 लाखाहून अधिक परतीच्या शिष्यवृत्तीची रक्कमही सभेने वसूल केली आहे.

मुंबईमध्ये नवीन पायाभूत सुविधा: मुंबईत कार्यालय आणि वसतीगृह उभारणीसाठी त्यांनी संकल्प केला आहे.

युवा कार्यकर्त्यांची फळी – नेतृत्वाची दुसरी ओळख

भालचंद्र पाटील यांनी संघटनेत तरुण नेतृत्वाची फळी उभी केली असून कार्यक्षम कार्यकर्त्यांना पुढे आणले आहे. हे नेतृत्व सभेच्या गतिमानतेस बळकटी देत असून भविष्यातील आव्हानांना समर्थपणे तोंड देण्यासाठी सिद्ध आहे.

समाजहिताचे नेतृत्व – सन्मानाचा वर्षाव

त्यांच्या या यशस्वी निवडीनंतर जैन समाजाच्या विविध स्तरांतून त्यांच्यावर अभिनंदनाचा वर्षाव होत आहे. त्यांच्या दूरदृष्टीपूर्ण निर्णयक्षमतेने दक्षिण भारत जैन सभेचे भवितव्य उज्वल होणार आहे.

jain-samaj-news-election-of-bhalchandra-patil-a-new-chapter-in-the-interest-of-society

त्यांची ही निवड म्हणजे केवळ अध्यक्षपदाची नियुक्ती नसून समाजाच्या सेवा आणि प्रगतीचा नवसंकल्प आहे. भविष्यातही त्यांच्या नेतृत्वाखाली सभा सामाजिक, शैक्षणिक व आर्थिक क्षेत्रात भरीव कार्य करेल, याची खात्री समाजाला वाटते.

श्री. भालचंद्र पाटील यांच्या नेतृत्वाला मनःपूर्वक शुभेच्छा व अभिनंदन!

Author: Rajkiya Live

दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.