भाजपने डॉग स्क्वाड पाळलेत; जयंत पाटलांचा सदाभाऊ खोतांवर पलटवार
महायुतीचे उमेदवार गोपीचंद पडळकर यांच्या प्रचारार्थ बुधवारी सांगलीतील जत येथे जाहीर सभेचे आयोजन करण्यात आले होते. यावेळी रयत क्रांती संघटनेचे प्रमुख सदाभाऊ खोत यांनी राष्ट्रवादी काँग्रेस प्रमुख शरद पवार यांच्या संदर्भात केलेल्या विधानावरून राजकीय वर्तुळातून तीव्र प्रतिक्रिया येत आहेत. अजित पवार, संजय राऊत यांच्यासह अनेक नेत्यांनी यावरून संताप व्यक्त केला आहे. यातच आता जयंत पाटील यांनीही सदाभाऊ खोत यांच्यावर पलटवार केला आहे. ते सांगली येथे पत्रकारांशी बोलत होते.
भाजपने डॉग स्क्वाड पाळलेत; जयंत पाटलांचा सदाभाऊ खोतांवर पलटवार
डॉग स्कॉड बाळगल्यासारखी ही परिस्थिती – सदाभाऊ यांच्या विधानासंदर्भात बोलताना जयंत पाटील म्हणाले, अशा पद्धतीचे वक्तव्य करून भारतीय जनता पक्षाने आपला स्थर किती खाली नेला आहे, हे यातून पुन्हा एकदा स्पष्ट झाले आहे. अशी माणंसं भारतीय जना पक्षाने बाळगलेली आहेत. एक डॉग स्क्वाड बाळगल्यासारखी ही परिस्थिती आहे. एवढेच नाही तर, ज्यांनी हे बाळगले आहे, त्या देवेंद्र फडणवीसचे तरी याला समर्थन आहे का? याचा देवेंद्र फडणवीसांनी खुलासा करावा, असेही जयंत पाटील यांनी म्हटले आहे.
राजकारणाची पातळी किती खाली न्यायची, याला काही मर्यादा राहिलेली नाही. एकदा त्यांचे प्रमुख नेते आले आणि त्यांनी भटकी आत्मा असे वर्णण केले होते. आता सदा खोत यांनी अशी जी भाषा वापरली आहे, याचेही प्रायश्चित्त महाराष्ट्रातील जनता ही भारतीय जनता पक्षाला दिल्याशिवाय राहणार नाही, असेही जयंत पाटील यावेळी म्हणाले.
Author: Rajkiya Live
दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.
