jayant patil news : राजारामबापूच्या कारंदवाडी युनिटला उत्कृष्ठ तांत्रिक कार्यक्षमतेचा पुरस्कार : वसंतदादा शुगर इन्स्टिट्यूट मांजरी बु: (पुणे) या साखर उद्योगातील शिखर संस्थेच्या वतीने राजारामबापू पाटील सहकारी साखर कारखान्याच्या कारंदवाडी युनिटला उत्कृष्ठ तांत्रिक कार्यक्षमतेचा पुरस्कार देऊन गौरविण्यात आले. तसेच कारखान्याचे मुख्य शेती अधिकारी प्रशांत लक्ष्मण पाटील यांना राज्यातील सर्वोत्कृष्ट शेती अधिकारी,तर वाटेगाव-सुरुल शाखेचे चीफ इंजिनिअर संताजी हैबतराव चव्हाण यांना राज्यातील सर्वोत्कृष्ट चीफ इंजिनिअर पुरस्कार बहाल करण्यात आला.

jayant patil news : राजारामबापूच्या कारंदवाडी युनिटला उत्कृष्ठ तांत्रिक कार्यक्षमतेचा पुरस्कार

राजारामबापू साखर कारखान्याचे अध्यक्ष प्रतिकदादा पाटील व कारखान्याचे संचालक-अधिकार्‍यांनी कारंदवाडी युनिटचा पुरस्कार स्विकारला. याप्रसंगी माजी मंत्री आ.जयंतराव पाटील, राज्य साखर संघाचे अध्यक्ष पी.आर.पाटील प्रामुख्याने उपस्थित होते.

राष्ट्रीय नेते खा.शरदचंद्र पवारसाहेब, राज्याचे उपमुख्यमंत्री ना.अजितदादा पवार यांच्या हस्ते पुणे येथील शानदार सोहळ्यात हे पुरस्कार वितरण करण्यात आले. याप्रसंगी व्हीएसआयचे उपाध्यक्ष दिलीपराव वळसे पाटील,सहकारमंत्री ना.बाबासाहेब पाटील, सार्वजनिक बांधकाममंत्री ना.शिवेंद्रराजे भोसले,माजी उपमुख्यमंत्री विजयसिंह मोहिते-पाटील,माजी आरोग्यमंत्री राजेश टोपे,माजी सहकारमंत्री बाळासाहेब पाटील, नॅशनल फेडरेशनचे अध्यक्ष व माजी सहकार मंत्री हर्षवर्धन पाटील,खा.विशाल पाटील, आ.विश्वजीत कदम,साखर आयुक्त कुणाल खेमनार यांच्यासह महाराष्ट्रातील साखर कारखान्यांचे अध्यक्ष-उपाध्यक्ष,कार्यकारी संचालक,तसेच राजारामबापू सहकारी साखर कारखान्याचे संचालक व अधिकारी उपस्थित होते.

प्रतिकदादा पाटील म्हणाले,माजी मंत्री आ.जयंतराव पाटील यांच्या कुशल मार्गदर्शना खाली वाटचाल करताना राजारामबापू साखर कारखान्यास अनेक पुरस्कार मिळाले आहेत.आम्ही ही पुरस्कारांची परंपरा कायम ठेवल्याचा आम्हास आनंद व अभिमान आहे. या पुरस्कारांनी आम्हास निश्चितपणे प्रोत्साहन व प्रेरणा मिळेल. आम्ही अधिक गतीने व अचूकपणे पुढील वाटचाल करू.

Author: Rajkiya Live

दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.