jaysingpur accident news : उदगावजवळ तिहेरी अपघात बालिकेसह दोघे ठार : सांगली कोल्हापूर महामार्गावर उदगाव (ता. शिरोळ) येथील जुन्या बिल्चिंग कारखान्याजवळ झालेल्या दोन चारचाकी व एक दुचाकी अशा तिहेरी अपघातात अडीच वर्षाच्या बालिकेसह दोघे ठार झाले. घटना रविवारी रात्री उशिरा ही घटना घडली.
jaysingpur accident news : उदगावजवळ तिहेरी अपघात बालिकेसह दोघे ठार
त्रिशा सुरेश शिंदे (वय अडीच वर्षे मूळ रा. जांभळे जयसिंगपूर सध्या रा. सांगली) व बंदेश दशरथ उळागड्डे (वय 51 रा. कलबुर्गी कर्नाटक) अशी ठार झालेल्यांची नावे आहेत.
याबाबत घटनास्थळावरून मिळालेली माहिती अशी, सांगली कोल्हापूर महामार्ग उदगाव येथील जुन्या बिल्चिंग कारखान्याजवळ दोन चार चाकी वाहने व एक दुचाकी वाहन असा तिहेरी अपघात झाला. त्रिशा शिंदे व बंदेश दशरथ उळागड्डे यांचा जागीच मृत्यू झाला. यात सुरज महादेव शिंदे (वय 82 रा. जयसिंगपूर सध्या रा.सांगली), शिवाणी सूरज शिंदे, (वय 23 रा.जयसिंगपूर सध्या सांगली), सौरभ संजय शिंदे (वय 24 रा. जयसिंगपूर) हे जखमी झाले आहेत. अपघात झाल्याने मोठी वाहतूक कोंडी निर्माण झाली. जयसिंगपूर पोलिसांनी घटनास्थळी धाव घेऊन वाहतूक सुरळीत केली.
रात्री उशिरा मृतदेह जयसिंगपूर प्राथमिक आरोग्य केंद्रातून शिरोळ ग्रामीण रुग्णालयात शिवविच्छेदन करून नातेवाईकांच्या ताब्यात देण्यात आले. तर अडीच वर्षाच्या बालिकेचा मृत्यू झाल्याने मोठी हळहळ व्यक्त होत आहे. घटनास्थळी बघ्यांनी मोठी गर्दी केली होती. अनेकांनी बचावकार्य करून जखमींना जयसिंगपूर येथील खाजगी रुग्णालयात उपचारासाठी दाखल करण्यात केले. याबाबात जयसिंगपूर पोलिसांत रात्री उशिरा अपघाताची नोंद झाली
Author: Rajkiya Live
दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.
