kasbe digraj jain samaj news : कसबे डिग्रजमध्ये धर्मानुरागी चौगुले कुटुंबाला मिळाला तीन पदाचा मान ” विशेष म्हणजे या सवालावेळी येथील मंदिर कमिटीचे माजी अध्यक्ष सुकुमार चौगुले यांच्या कुटुंबाने तीन पदाचा सवाल धरला. यामध्ये समवशरण उद्घाटक आण्णासो कुबेर चौगुले, अखंड दीपस्थापना आण्णासो कुबेर चौगुले तसेच मंगल कलश स्थापनेचा सवाल त्यांची मुलगी सुप्रिया सत्यम वाडकर व जावई सत्यम बाळासाहेब वाडकर यांनी धरला. अशा प्रकारे एकाच पुजेत एकाच कुटुंबाने तीन सवाल धरण्याचा बहुमान त्यांना मिळाला.

kasbe digraj jain samaj news : कसबे डिग्रजमध्ये धर्मानुरागी चौगुले कुटुंबाला मिळाला तीन पदाचा मान

मिरज तालुक्यातील कसबे डिग्रज येथील आदिनाथ दिगंबर जिनमंदिर आणि शांतीनाथ दिगंबर जिनमंदिरच्यावतीने मे महिन्यान होणार्‍या श्री बृहत गणधरवलय महामंडल विधानाचे यजमानपद आणि इतर सवाल रविवार 2 फेबु्रवारी रोजी दुपारी 12. 30 वाजता काढण्यात आले. यावेळी सौधर्म इंद्र इंद्रायणीचा मान येथील सामाजिक कार्यकर्ते प्रशांत सुकुमार अवधूत यांना हा मिळाला. 31 लाख 31 हजार 131 रूपयापर्यंत ही बोली चालली.

त्याबरोबरच सोमवार 3 रोजी सुकुमार चौगुले यांनी वडील स्व.कुबेर आण्णा चौगुले व स्व. श्रीमती रूक्मिणी कुबेर चौगुले यांच्या स्मरणार्थ मंदिर जीर्णोध्दारासाठी 21 हजाराची देणगीही दिली आहे.

कसबे डिग्रज येथे बर्‍याच वर्षानंतर पंचकल्याणक पुजेचे आयोजन करण्यात आले आहे. 28 एप्रिल ते 4 मे 2025 अखेर ही पूजा होणार आहे. आचार्य सन्मतीसागरजी महाराज यांचे परमशिष्य धर्मसागरजी महाराज, आगमचक्रवती विद्यासागरज महाराज, आगमसागरजी महाराज, प्रशांतसागरजी महाराज आदींचे आशीर्वाद यापुजेला लाभले आहे.

यावेळी धनपती कुबेर महेश जंबू चौगुले, चक्रवर्ती राकेश रमेश फराटे, महायज्ञनायक प्रकाश आदीनाथ फराटे, ईशान्य इंद्र राजेेंद्र बापू दुधगावे, सुवर्ण सौभाग्यवती प्रियांका प्रकाश चौगुले, ध्वजारोहण सुरेश अनंत चौगुले, मंडप उद्घाटक तीर्थंकर एज्युकेशन सोसायटी, प्रथम दिन जलकंभ आणणे बाहुबली महावीर अवधूत यांना मान मिळाला आहे.

यावेळी प्रतिष्ठाचार्य संदेश उपाध्ये, संगीतकार सुयोग पाटील दानोळी, बोलीसम्राट राजेंद्रजी जैन, रोहित पंडित आदी उपस्थित होते.

Author: Rajkiya Live

दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.