kasbe digraj news : कसबे डिग्रजमध्ये पंचकल्याणक पुजेच्या मंडप उभारणीचा शुभारंभ : मिरज तालुक्यातील कसबे डिग्रज येथे 28 एप्रिल ते 4 मे दरम्यान होणार्या पंचकल्याणक महोत्सवासाठी मंडप उभारणीचा शुभारंभ बुधवारी मान्यवरांच्या हस्ते झाला.
kasbe digraj news : कसबे डिग्रजमध्ये पंचकल्याणक पुजेच्या मंडप उभारणीचा शुभारंभ
कसबे डिग्रज येथील आदिनाथ दिगंबर जिनमंदिर आणि शांतीनाथ दिगंबर जिनमंदिरच्यावतीने मे महिन्यान होणार्या श्री बृहत गणधरवलय महामंडल विधानाचे यजमानपद आणि इतर सवाल रविवार 2 फेबु्रवारी रोजी काढण्यात आले आहेत. सौधर्म इंद्र इंद्रायणीचा मान येथील युवा उद्योजक प्रशांत सुकुमार अवधूत यांना हा मिळाला आहे.
कसबे डिग्रज येथे बर्याच वर्षानंतर पंचकल्याणक पुजेचे आयोजन करण्यात आले आहे. 28 एप्रिल ते 4 मे 2025 अखेर ही पूजा होणार आहे. आचार्य सन्मतीसागरजी महाराज यांचे परमशिष्य धर्मसागरजी महाराज, आगमचक्रवती विद्यासागरज महाराज, आगमसागरजी महाराज, प्रशांतसागरजी महाराज आदींचे आशीर्वाद यापुजेला लाभले आहे.
येथीली बागण वाटेवरील मोकळ्या जागेत मंडप उभारणीचा शुभारंभ झाला. यावेळी धनपती कुबेर महेश जंबू चौगुले, चक्रवर्ती राकेश रमेश फराटे, महायज्ञनायक प्रकाश आदीनाथ फराटे, ईशान्य इंद्र राजेेंद्र बापू दुधगावे, सुवर्ण सौभाग्यवती प्रियांका प्रकाश चौगुले, ध्वजारोहण सुरेश अनंत चौगुले, मंडप उद्घाटक तीर्थंकर एज्युकेशन सोसायटी, अखंड दीपस्थापना आण्णासो कुबेर चौगुले, मंगल कलश स्थापना आण्णासो कुबेर चौगुले, प्रथम दिन जलकंभ आणणे बाहुबली महावीर अवधूत आदी सवालधारक उपस्थित होते.
पंचकल्याणक पुजेसाठी प्रतिष्ठाचार्य संदेश उपाध्ये, संगीतकार सुयोग पाटील दानोळी, बोलीसम्राट राजेंद्रजी जैन, रोहित पंडित आदी उपस्थित राहणार आहेत.
मंडप उभारणी शुभारंभप्रसंगी मार्केट कमिटीचे संचालक आनंदराव नलवडे, सांगली कारखान्याचे संचालक विशाल चौगुले, सरपंच रियाज तांबोळी, यांच्यासह सर्व संस्थांचे पदाधिकारी, जैन समाजातील मान्यवर, समाजातील श्रावक, श्राविका मोठ्या संख्येने उपस्थित होते.

Author: Rajkiya Live
दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.



