🔶 गुणवत्तेचा उत्सव, प्रेरणेचा सोहळा – कसबेडिग्रज येथे मातोश्री फौंडेशनतर्फे विद्यार्थ्यांचा गौरव

गुणवत्तेचा उत्सव, प्रेरणेचा सोहळा

शिकवण आणि संस्कार यांची शिदोरी घेऊन उंच भरारी घेणाऱ्या नव्या पिढीच्या पंखांना बळ देणारा, प्रेरणेचा झरा ठरलेला, एक संस्मरणीय क्षण कसबेडिग्रजमध्ये साजरा झाला. मातोश्री कै. मीना राजाराम परमणे फौंडेशनच्या वतीने न्यू इंग्लिश स्कूलमध्ये गुणवंत विद्यार्थी गौरव सोहळा अत्यंत उत्साहात व स्नेहसंपन्न वातावरणात पार पडला.

या कार्यक्रमाचे अध्यक्षस्थान गावाचे कर्तबगार सरपंच रियाज तांबोळी यांनी भूषवले. त्यांच्या प्रेरणादायी उपस्थितीने या सोहळ्याला एक वेगळेच तेज प्राप्त झाले.

दहावी परीक्षेत यशाची शिखरे सर करणाऱ्या विद्यार्थ्यांसह गावातून विविध शासकीय सेवेत झळकलेल्या अधिकारी व्यक्तींचा सन्मानचिन्ह व मानपत्र देऊन गौरव करण्यात आला. ज्ञानदीप उंच उंच पेटवणाऱ्या या विद्याधनाच्या यशस्वी शिलेदारांमध्ये –
🌟 स्फूर्ती गलगले, पायल सलगर, योगीता खांडेकर, रिया जाधव, प्रणव गोसावी, सर्वेश पवार, श्रेया नलवडे, आराधना पवार, अवधूत राजमाने, सार्थक आळतेकर – यांचा नाविन्यपूर्ण यशाचा यथोचित गौरव करण्यात आला.

तसेच, यश कोरुचे, वर्षा माळी, सानिका आला.कामेरीकर, फिरोज मकानदार, रोहित कुंभार, राहुल माने, कोमल सलगर, प्रियांका जाधव, शर्वरी शिंदे, शुभम मोहिते, तेजस गावडे या शासकीय सेवेत यशस्वी ठरलेल्या तरुणांचा सन्मान ही खास आकर्षण ठरले.

कार्यक्रमात यश कोरुचे व डॉ. सोनाली महापरके यांनी आपल्या मनमोकळ्या शब्दांत आपले अनुभव कथन करून उपस्थित तरुणांना मार्गदर्शन दिले.

स्वागत व प्रास्ताविक विनायक परमणे यांनी केले. तर अध्यक्षीय भाषणात सरपंच तांबोळी यांनी उपक्रमाचे भरभरून कौतुक करत नव्या पिढीला उदात्त ध्येयासाठी झगडण्याची प्रेरणा मिळेल, असा आशावाद व्यक्त केला.

या गौरव सोहळ्याच्या साक्षीदार ठरले –

🏫 स्कूल कमिटीचे अध्यक्ष मोहन देशमुख, जिल्हा परिषद सदस्य विशाल चौगुले, ज्ञानदेव सलगर, दिनेशकुमार ऐतवडे, राजाराम परमणे, प्रभाकर परमणे, विनायक परमणे, प्रशांत परमणे, पर्यवेक्षक एस.डी. गायकवाड, ९६ क्लबचे सदस्य, तसेच अनेक पालक.

सूत्रसंचालन सौ. ए.डी. जंगम यांनी अत्यंत प्रभावी पद्धतीने केले, तर या मनोज्ञ सोहळ्याचे आभार प्रदर्शन गुरूराज परमणे यांनी करत उपस्थितांचे मनापासून आभार मानले.

🌷 हा एक केवळ गौरव सोहळा नव्हे, तर नव्या पिढीच्या मनात उज्वल भविष्याची ज्योत चेतवणारा दीपोत्सव ठरला!

Author: Rajkiya Live

दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.