kavtepiran news : कवठेपिरानमध्ये भरधाव दुचाकीच्या धडकेत वृद्धाचा मृत्यू : सांगली : मिरज तालुक्यातील कवठेपिरान गावामधील सत्यनारायण चौक येथे भरधाव दुचाकीने वृद्धाला जोराची धडक दिली. या अपघातात गंभीर जखमी झालेल्या वृद्धाचा उपचारादरम्यान मृत्यू झाला. बाबुराव रामू शिंदे (वय 70 रा. कवठेपिरान) असे मृत्यू झालेल्या वृद्धांचे नाव आहे.
kavtepiran news : कवठेपिरानमध्ये भरधाव दुचाकीच्या धडकेत वृद्धाचा मृत्यू
सदरचा अपघात हा सोमवार दि. 24 मार्च रोजी सकाळी नऊ वाजण्याच्या सुमारास झाला. या प्रकरणी मोहन बाबुराव शिंदे (वय 50 रा. कवठेपिरान) यांनी सांगली ग्रामीण पोलीस ठाण्यात फिर्याद दिली आहे. त्यांच्या फिर्यादीवरून पोलिसांनी संशयित दुचाकीस्वार अभिजित सुरेश वाडकर (रा. दुधगाव) याच्या विरोधात गुन्हा दाखल केला आहे.
याबाबत अधिक माहिती अशी कि, मृत बाबुराव शिंदे हे आपल्या कुटुंबियांसह मिरज तालुक्यातील कवठेपिरान गावामध्ये राहतात. सोमवारी सकाळी नऊ वाजण्याच्या सुमारास शिंदे हे गावातील दुधगाव मार्गावरून चालत निघाले होते. यावेळी संशयित दुचाकीस्वार अभिजित वाडकर हा त्याच्या ताब्यातील मोटारसायकल (क्र. एमएच 10 सीव्ही 0935) हि भरधाव वेगात घेऊन आला. समोरून येणार्‍या बाबुराव शिंदे यांना मोटारसायकलने जोराची धडक दिली.
kavtepiran-news-elderly-man-dies-in-a-speeding-bike-accident-in-kavtepiran
या अपघातात शिंदे यांच्या डोक्याला गंभीर दुखापत होऊन ते बेशुद्ध झाले. त्यांना तातडीने उपचारासाठी रुग्णालयात दाखल करण्यात आले. मात्र, याठिकाणी उपचार सुरु असताना त्यांचा मृत्यू झाला. या प्रकरणी बाबुराव शिंदे यांचा मुलगा मोहन शिंदे यांनी सांगली ग्रामीण पोलीस ठाण्यात फिर्याद दिली आहे. त्यांच्या फिर्यादीवरून पोलिसांनी संशयित दुचाकीस्वार वाडकर याच्या विरोधात गुन्हा दाखल केला आहे.
Author: Rajkiya Live
दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.
