शेतकर्‍याचे मोठे नुकसान
kavtepiran news : कवठेपिरानमध्ये आठ दिवसातच पाईप लाईन फुटले : मिरज तालुक्यातील कवठेपिरान येथे नवीन पाईप केलेले आठ दिवसातच पाईपा फुटल्याने शेतकर्‍याचे हजारो रूपयाचे नुकसान झाले आहे. याबाबत दुकानदार आणि कंपनीने हात वर केल्याने शेतकर्‍यावर कर्जबाजारी होण्याची वेळ आली आहे.
kavtepiran news : कवठेपिरानमध्ये आठ दिवसातच पाईप लाईन फुटले
याबाबत अधिक माहिती अशी की मिरज तालुक्यातील कवठेपिरान येथील शेतकरी किसन आनंदा पाटील यांनी सांगली येथील वखारभागातील एका दुकानातून 13 फेब्रुवारी रोजी 27 हजाराच्या पाईपा खरेदी केल्या. लगेच दोन दिवसानंतर त्यांनी आपल्या शेतामध्ये पाईप लाईन केले. परंतु दोन दिवसातच त्या पाईपा फुटू लागल्या. पाईप फुटल्याने शेतात मोठ्या प्रमाणात लिकेज झाले व शेतात पाणी साचू लागले.
त्यांनी लगेच दुकानदाराशी संपर्क साधला. दुकानदारानेही कंपनीशी बोलून कंपनीच्या अधिकार्‍यांना शेतात पाठविले.
त्यानंतर दुकानदार आणि कंपनीच्या अधिकार्‍यांनी पाहणी केली. परंतु त्यानंतर त्यांनी मात्र हात वर करण्यास सुरूवात केली. वारंवार हेलपाटे मारूनही किसन पाटील यांना कोणीच दाद देईना. वास्तविक पाईप लाईनसाठी वापरण्यात येणार्‍या पाईपा या उच्च प्रतिच्या हव्यात परंतु या पाईपा दोन दिवसातच फुटल्याने शेतकर्‍यावर रडत बसण्याची वेळ आली आहे.
दुकानदार आणि कंपनीने नुकसानभरपाई न दिल्यास याबाबत तहसीलदार, प्रांत, जिल्हाधिकारी यांच्याकडे रितसर तक्रार करणार असल्याचे शेतकरी किसन पाटील यांनी यावेळी सांगितले.
Author: Rajkiya Live
दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.
