kolhapur news : तेरवाडमध्ये इनोव्हाच्या धडकेत महिलेचा मृत्यू : सलगर-सदलगा महामार्गावर तेरवाड (ता. शिरोळ) येथे भरधाव इनोव्हा गाडीच्या धडकेत दुचाकीस्वार वृद्ध दाम्पत्य गंभीर जखमी झाले. यात उपचारादरम्यान पत्नी शोभा सदाशिव कोरवी (रा. हेरवाड, ता. शिरोळ) यांचा शनिवारी सायंकाळी मृत्यू झाला, तर पती सदाशिव कृष्णा कोरवी यांची प्रकृती गंभीर असून त्यांच्यावर उपचार सुरू आहेत. या घटनेमुळे परिसरात हळहळ व्यक्त होत आहे.
kolhapur news : तेरवाडमध्ये इनोव्हाच्या धडकेत महिलेचा मृत्यू
दरम्यान या अपघातानंतर इनोव्हा गाडी संशयित चालक अनिल शिवाजी पाटील (वय 45, रा. सोलापूर) याच्याविरोधात कुरुंदवाड पोलिस ठाण्यात गुन्हा दाखल करण्यात आला आहे.
ही दुर्घटना शुक्रवारी सकाळी 11 वाजता घडली. संशयित चालक अनिल शिवाजी पाटील (वय 45, रा. सोलापूर) याने भरधाव वेगाने व निष्काळजीपणे चालवलेल्या इनोव्हा गाडीने (क्रमांक एम.एच.16.ए.टी.6466) रस्त्याच्या कडेला उभ्या असलेल्या कोरवी दाम्पत्याच्या दुचाकीला पाठीमागून जोरदार धडक दिली.
सदाशिव व शोभा कोरवी फोनवर बोलत असताना झालेल्या या अपघातात दोघेही गंभीर जखमी झाले. मात्र, उपचारादरम्यान शोभा कोरवी यांचा मृत्यू झाला.या अपघातामुळे महामार्गावरील वाहतुकीच्या सुरक्षेचा प्रश्न पुन्हा ऐरणीवर आला आहे. वाहनचालकांचा वेग अनियंत्रित असल्याने सलगर-सदलगा महामार्गावर झालेल्या अपघातात कोरवी यांचा चौथा बळी ठरला आहे. स्थानिक नागरिकांनी महामार्गावरील वेगमर्यादा व वाहतूक सुरक्षेवर ठोस उपाययोजना करण्याची मागणी होत आहे.
Author: Rajkiya Live
दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.
