जनप्रवास/विटा

KURANDWAD MURDAR : कुरूंदवाडच्या नवविवाहितेचा पुण्यात गळा आवळून खून चिखलहोळ येथील पतीस अटक : कुरुंदवाड येथील नवविवाहितेचा पुण्यातील पिंपरी-चिंचवड येथील देहगाव येथे पतीने ओढणीने गळा आवळून खून केला. ही धक्कादायक घटना गुरुवार, दि.20 जून रोजी रात्री घडली. प्रतीक्षा जयदीप यादव (वय.21, रा. ओमसाई सोसायटी, देहू-आळंदी रोड, देहूगाव) असे या विवाहितेचे नाव आहे. याप्रकरणी संशयित आरोपी पती जयदीप अर्जुन यादव (वय 30, मूळगाव – चिखलहोळ, ता. खानापूर, जि. सांगली) याला देहूरोड पोलिसांनी अटक केली असून त्याला न्यायालयात उभे केले असता 27 जूनपर्यंत पोलिस कोठडी सुनावली आहे.

KURANDWAD MURDAR : कुरूंदवाडच्या नवविवाहितेचा पुण्यात गळा आवळून खून चिखलहोळ येथील पतीस अटक

KURANDWAD MURDAR : कुरूंदवाडच्या नवविवाहितेचा पुण्यात गळा आवळून खून चिखलहोळ येथील पतीस अटक :याबाबत मिळालेली माहिती अशी की, कुरूंदवाड येथील सलून व्यावसायिक भीमराव कोरे यांची मुलगी प्रतीक्षा हिचे शिक्षण एम.एस.सी. पर्यंत झाले होते. दोन महिन्यापूर्वी खानापूर तालुक्यातील चिखलहोळ येथील रहिवासी असणार्‍या आणि डिप्लोमा इंजिनियरपर्यंत शिक्षण झालेल्या जयदीप यादवशी तिचे लग्न झाले होते. जयदिप हा पुणे येथे नोकरीला होता. 8 दिवसापूर्वी पत्नी प्रतीक्षाला पुण्यात घेऊन गेला.

त्यानंतर गुरुवारी रात्री जयदीप हा प्रतीक्षाला ते राहत असलेल्या देहगाव येथील गाथा मंदिरामागील इंद्रायणी नदीच्या घाटावर फिरायला म्हणून घेवून गेला. तेथे ओढणीने प्रतिक्षाचा गळा आवळून त्याने खून केल्याची घटना घडली. संशयित आरोपी पती जयदीप यादव याला पोलिसांनी अटक केली.

प्रतिक्षा यादवचा खून झाल्याची माहिती कुरुंदवाड येथील माहेरच्या नातेवाईकांना पोलिसांनी दिली. नातेवाईकांनी पुण्यात जाऊन जयदीप यादवच्या विरोधात देहूरोड पोलिसात गुन्हा दाखल केला. शुक्रवारी सकाळी मृतदेहाचे शवविच्छेदन करून आई- वडिलांच्या ताब्यात दिला. सायंकाळी कुरुंदवाड येथील कृष्णाघाट येथे मृतदेहावर शोकाकुल वातावरणात अत्यसंस्कार करण्यात आले.

Author: Rajkiya Live

दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.