mukhyamantri ladki bahin yojna : लाडक्या बहिणींची चारचाकी, उत्पन्न, जमीन, कागदपत्रांची तपासणी होणार : विधानसभा निवडणुकीपूर्वी सुरु झालेल्या मुख्यमंत्री माझी लाडकी बहीण योजनेतील लाभार्थीची आता निकषांनुसार पडताळणी सुरु झाली आहे. पहिल्या टप्प्यावर चारचाकी वाहनधारक महिलांची तपासणी सुरु आहे. चारचाकीनंतर उत्पन्न, जमीन आणि कागदपत्रांची तपासणी होईल.

mukhyamantri ladki bahin yojna : लाडक्या बहिणींची चारचाकी, उत्पन्न, जमीन, कागदपत्रांची तपासणी होणार

पाच टप्प्यात पडताळणी

पुढील टप्प्यांवर योजनेच्या प्रत्येक निकषांनुसार किती महिला पात्र आहेत, याची अंगणवाडी सेविकांमार्फत पडताळणी करण्यात येणार आहे.
राज्यात लाडकी बहीण योजनेतील तब्बल नऊ लाख लाभार्थी (65 वर्षांवरील, संजय गांधी निराधार व नमो शक्ती योजनेच्या लाभार्थी महिला) कमी झाले आहेत. तरीही, योजनेच्या लाभार्थीची संख्या अडीच कोटींवर आहे. राज्यातील सव्वाचार कोटी महिला मतदारांमध्ये अडीच कोटी महिलांच्या कुटुंबाचे वार्षिक उत्पन्न खरोखर अडीच लाखांपेक्षा कमी आहे का, या प्रश्नाचे उत्तर आगामी काळात शोधले जाणार आहे. याशिवाय एकाच कुटुंबातील दोनपेक्षा अधिक महिला लाभार्थीचीही पडताळणी होईल.

विधानसभेपूर्वी जास्तीत जास्त महिलांना लाभ देण्यासाठी तालुका, जिल्हास्तरावरील समित्यांकडून लाभार्थीच्या कागदपत्रांची काटेकोर पडताळणी होऊ शकली नाही. त्यामुळे लाभार्थीची संख्या वाढली आणि सरकारला तिजोरीतून दरमहा 3,880 कोटी रुपये द्यावे लागले. त्यासाठी सरकारला कर्जाची मदत घ्यावी लागली आणि विविध योजनांसाठी मागील साडेसात महिन्यांत सरकारने तब्बल एक लाख कोटींचे कर्ज काढल्याची वस्तुस्थिती आहे. या पार्श्वभूमीवर आता लाडकी बहीण योजनेच्या प्रत्येक निकषांनुसार लाभार्थीची पडताळणी होईल, असे विश्वसनीय सूत्रांनी सांगितले.

mukhyamantri-ladki-bahin-yojna-the-charakter-income-land-documents-of-beloved-sisters-will-be-checked

महिला शेतकर्‍यांना 500 रुपये मिळणार

केंद्र सरकारची शेतकरी सन्मान योजना व राज्य सरकारच्या नमो शेतकरी महासन्मान योजनेअंतर्गत शेतकर्‍यांना वर्षाला प्रत्येकी 12 हजार रुपये दिले जातात. राज्यात दोन्ही योजनांच्या 19 लाख महिला शेतकरी लाभार्थी आहेत. त्यांना दोन्ही योजनांमधून दरमहा एक हजार रुपये मिळतात. त्यामुळे लाडकी बहीण योजनेतील यातील महिलांचा दरमहा 1,500 रुपयांचा लाभ कमी करून आता त्यांना दरमहा केवळ 500 रुपयेच दिले जाणार असल्याचेही विश्वसनीय सूत्रांनी सांगितले.

लाडक्या बहिणींच्या पडताळणीचे टप्पे
– एका कुटुंबातील दोनपेक्षा अधिक लाभार्थी
– बनावट कागदपत्रांद्वारे योजनेचा लाभ घेणारे
– कुटुंबातील किमान एकाला निवृत्तीवेतन
– अडीच लाख रुपयांपेक्षा जास्त उत्पन्न
– पाच एकरापेक्षा अधिक जमीन असलेले लाभार्थी

Author: Rajkiya Live

दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.