prithiviraj patil sangli news : पृथ्वीराज पाटील यांच्या हडको कॉलनीतील पदयात्रेस मोठा प्रतिसाद : महाविकास आघाडीचे उमेदवार पृथ्वीराज पाटील यांची आज हडको कॉलनीत प्रचार पदयात्रा काढण्यात आली.यावेळी पृथ्वीराज पाटील यांनी गणराया, हनुमान, दत्त, साईबाबा व ताईबाई मंदीरात मनोभावे दर्शन घेतले.
prithiviraj patil sangli news : पृथ्वीराज पाटील यांच्या हडको कॉलनीतील पदयात्रेस मोठा प्रतिसाद
यावेळी पृथ्वीराज पाटील यांचे औक्षण करून त्यांना महिला भगिनी विजयी भव असा आशीर्वाद देत होते. पृथ्वीराजबाबा प्रत्येक घरात विनयाने नमस्कार करुन हात चिन्हासमोरील बटण दाबून भरघोस मतांनी निवडून देण्याचे आवाहन करत होते. प्रचार पत्रके वाटण्याची कार्यकर्त्यांची लगबग सुरु होती.
पृथ्वीराज नागरिकांशी संवाद साधताना म्हणाले, लक्ष्मी देवळाजवळ ऐंशी फूटी रस्त्याच्या पश्चिमेला हडको कॉलनीची मोठी वसाहत आहे. या लोकवस्तीत मोलमजुरी करणार्‍याची संख्या दखलपात्र आहे.या भागातील जनतेसाठी गेल्या दहा वर्षांत विद्यमान आमदारांनी भरीव असे काहीही केले नाही.
आमदार झाल्यावर या भागातील रस्ते व गटारी, शुध्द व मुबलक पाणी पुरवठा होण्यासाठी लक्ष घालणार आहे. रोजगार निर्मितीसाठी विशेष प्रयत्न करणार आहे.’ सांगली शहराच्या विस्तारित भागात पृथ्वीराज पाटील यांच्या गृहभेटी, गृहबैठका व पदयात्रेला नागरिकांचा उदंड प्रतिसाद मिळत आहे.
उपनगरातील भव्य पदयात्रेतील जनसागर पहाता पृथ्वीराज पाटील यांची निवडून सामान्य लोकांनी हाती घेतल्याचे स्पष्ट होताना दिसत आहे. महायुती सरकारला सामान्य नागरिकांच्या कामाशी कांहीच देणंघेणं राहिले नाही. जातीधर्मात भांडणं लावून येन केन प्रकारे सत्ता बळकावणे एवढच काम महायुती सरकारने केले आहे. आता सामान्य माणूस सांगलीचा निष्क्रिय आमदार बदलणार असा विश्वास आहे असेही पृथ्वीराज पाटील म्हणाले.
यावेळी इलाही व मदिना बारुदवाले, अल्ताफ पेंढारी, इरफान केडिया, इर्षाद पखाली, अनिता पांगम, उमर शेख, वाहिदा सनदी, अक्षय अलकुंटे, राहूल यमगर , साद सय्यद , अक्षय गायकवाड, अक्षय अलकुंटे व नागरिक मोठया संख्येने उपस्थित होते
Author: Rajkiya Live
दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.
