raju shetti news : देशातील सर्व शेतकरी संघटनांनी एकत्र येवून लढा देण्याची गरज : राजू शेट्टी : देशभरातील विविध शेतकरी संघटनांनी एकजूट दाखविल्याने केंद्र सरकारला तीन काळे कृषी कायदे रद्द करणे भाग पडले. त्याचप्रमाणे आता केंद्र सरकारला किमान हमीभाव कायदा व सध्या अमेरीका देशाकडून ज्यापध्दतीने साम्राज्यवाद निर्माण करून शेती उत्पादनावर आयात- निर्यातीमघ्ये चुकीचे धोरण अवलंबले जात आहे त्याकरिता सर्वांनी एकत्रित येवून लढा ऊभारणे गरजेचे असल्याचे मत स्वाभिमानी शेतकरी संघटनेचे संस्थापक राजू शेट्टी यांनी दिल्ली येथे झालेल्या अखिल भारतीय किसान महासभेच्या बैठकीत केले.
raju shetti news : देशातील सर्व शेतकरी संघटनांनी एकत्र येवून लढा देण्याची गरज : राजू शेट्टी
दिल्ली येथील मीनाबाग मधील बिहारचे माकपचे खासदार राजाराम सिंह यांच्या निवासस्थानी विविध शेतकरी संघटनांच्या प्रतिनिधींची बैठक घेण्यात आली. या बैठकीमध्ये एम. एस. पी गॅरंटी कायदा , संपुर्ण कर्जमुक्ती , पिकविमा , भुमि अधिग्रहण कायदा या प्रमुख विषयावर संपुर्ण देशात यात्रा काढण्याबाबत चर्चा करण्यात आली.
केंद्र सरकारच्या चुकीच्या धोरणामुळे देशभरात शेतकरी आत्महत्या वाढू लागल्या आहेत. तोट्यातील शेतीमुळे शेतकरी शेतीपासून परावृत्त होवू लागले आहेत. कृषीप्रधान देशाच्या दृष्टीने हि बाब गांभीर्याने घेणे गरजेचे आहे.
याकरिता देशातील सर्व संघटनानी सर्वपक्षीय खासदारांना एकत्रित करून त्यांचा दबावगट निर्माण करून केंद्र सरकारला काही धोरणात्मक निर्णय घेण्यास भाग पाडणे गरजेचे आहे. या बैठकीस राष्ट्रीय किसान मजदूर संघाचे सरदार व्ही. एम. सिंग , जनकिसान आंदोलनाचे प्रमुख योगेंद्र यादव , अखिल भारतीय किसान सभेचे अध्यक्ष अशोक ढवळे , बिहारचे खासदार सुदामा प्रसाद , प्रेमसिंग गेहलावत , मा. खासदार हानण मौला , डॅा. सुनिल्लम , भुलैनसिंह रजेवाल यांच्यासह देशभरातील विविध शेतकरी संघटनांचे प्रमुख या बैठकीस उपस्थित होते.
Author: Rajkiya Live
दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.
