दिनेशकुमार ऐतवडे
samrat mahadik news : सम्राट महाडिकांची विधानपरिषदेवर वर्णी लागण्याची शक्यता L महाराष्ट्र विधान परिषदेमधील रिक्त झालेल्या पाच जागांसाठी निवडणूक आयोगाकडून निवडणूक जाहीर करण्यात आली आहे. महाराष्ट्र विधान परिषदेमधील रिक्त झालेल्या पाच जागांसाठी निवडणूक आयोगाकडून निवडणूक जाहीर करण्यात आली आहे. सांगली जिल्ह्यातील आ. गोपीचंद पडळकर यांच्या जागेचाही त्यामध्ये समावेश आहे. त्यामुळे आता या जागेवर पेठचे सम्राट महाडिक यांची वर्णी लाणण्याची दाट शक्यता आहे. सम्राट महाडिक यांनीही जोर लावला असून, मुंबईत त्यांनी नेत्यांच्या भेटीगाठी घेण्यास सुरूवात केली आहे.

samrat mahadik news : सम्राट महाडिकांची विधानपरिषदेवर वर्णी लागण्याची शक्यता

विधान परिषदेतील पाच विद्यमान आमदार विधानसभेवर निवडून गेल्याने विधान परिषदेच्या पाच जागा रिक्त झाल्या आहेत. यामध्ये भाजपच्या 3, शिवसेना शिंदे गट 1, राष्ट्रवादी काँग्रेस अजित पवार गट 1 अशा एकूण पाच जागा रिक्त असल्याने इच्छुकांकडून ताकदीने लॉबिंग सुरू आहे. यामध्ये पेठचे सम्राट महाडिक यांची विधानपरिषदेवर वर्णी लागण्याची शक्यता आहे.

गेल्या विधानसभा निवडणुकीत शिराळा मतदार संघातून भाजपकडून सम्राट महाडिक इच्छुक होते. पाच वर्षापासून त्यांनी जोरदार तयारीही केली होती. त्यांना उमेदवारी मिळेल असे वाटत असतानाच अचानक सत्यजित देशमुखांना भाजपची उमेदवारी मिळाली. वरिष्ठांच्या आदेशाने कार्यकर्त्यांंची इच्छा असतानाही सम्राट महाडिकांनी पक्षासाठी थांबणे पसंत केले. केवळ ते थांबले नाहीत तर निवडणुकीत जोरदार काम करीत सत्यजित देशमुखांना निवडून आणण्यात मोलाचा वाटा उचलला. तसेच ते मुख्यमंत्री फडणवीसांचे विश्वासू आहेत. त्यामुळे त्यांना विधानपरिषदेवर संधी मिळण्याची शक्यता जास्त आहे.

samrat-mahadik-news-the-possibility-of-samrat-mahadika-being-nominated-to-the-legislative-council

नागपूरचे प्रवीण दटके, आमश्या पाडवी, राजेश विटेकर, रमेश कराड आणि गोपीचंद पडळकर हे विधान परिषदेचे सदस्य होते. हे सर्व 2024 च्या विधानसभेच्या निवडणुकीत निवडून आले आहेत. ते आता विधानसभेत दाखल होणार आहेत. नियमानुसार एकावेळी एका व्यक्तीस दोन्ही सभागृहाचे सदस्य होता येत नाही. त्यामुळे 23 नोव्हेंबरपासून या सर्व आमदारांचे विधान परिषदेचे सदस्यत्व रद्द करण्यात आले आहे.

भाजपचे गोपीचंद पडळकरांनी जत विधानसभा मतदारसंघातून बाजी मारली. भाजपचे प्रवीण दटके यांनी नागपूर मध्य विधानसभेतून निवडणूक जिंकली. शिंदे गटाचे आमश्या पाडवी अक्कलकुवा मतदारसंघातून विजयी झाले. तर राष्ट्रवादी अजित पवार गटाचे राजेश विटेकर यांनी पाथरी विधानसभा मतदारसंघातून बाजी मारली. तसेच भाजपचे रमेश कराड यांनी लातूर ग्रामीण विधानसभा मतदारसंघातून निवडणूक लढवली. या निवडणुकीत रमेश कराड यांनी विजय मिळवला.

विधानसभा निवडणुकीत सहा विधान परिषद सदस्य विजयी झाल्याने आणि राज्यपाल कोट्यातील आणखी पाच जागा अद्याप रिक्त आहेत. त्यामुळे महायुतीमध्ये आधीच विधान परिषद सदस्य होण्यासाठी जोरदार लॉबिंग सुरु आहे. विधानसभा निवडणुकीच्या रिंगणात एकूण 9 विधान परिषद आमदार, तर एक राज्यसभा खासदार होते.

निवडणुकीच्या आधी सम्राट महाडिकांना देवेंद्र फडणवींसांनी मोठी बक्षीस देवू असी सांगितले होते. त्यामुळे फडणवीस आपला शब्द पाळतील असा कार्यकर्त्यांना विश्वास वाटत आहे. त्यामुळे यंदा सम्राट महाडिक आमदार होणार असे वातावरण तयार झाले आहे.

विधानसभा सदस्यांकडून निवडण्यात येणार्या या पाच जागांसाठी 27 मार्च रोजी मतदान होणार असून, त्याच दिवशी संध्याकाळी निकाल जाहीर होणार आहे .

विधानपरिषदेच्या या पाच जागांसाठी होत असलेल्या या निवडणुकीचा कार्यक्रम पुढीलप्रमाणे आहे.

या निवडणुकीसाठी 10 मार्च रोजी अधिसूचना प्रसिद्ध होणार आहे.

उमेदवारी अर्ज दाखल करण्याची शेवटची तारीख ही 17 मार्च असेल.

18 मार्च रोजी उमेदवारी अर्जांची छाननी होणार

 उमेदवारी अर्ज मागे घेण्यासाठीची शेवटची तारीख 20 मार्च आहे.

27 मार्च रोजी सकाळी 9 ते संध्याकाळी 4 या वेळेत मतदान होईल,

तर मतदान पूर्ण झाल्यानंतर संध्याकाळी पाच वाजता मतमोजणी होऊन निकाल जाहीर होईल.

Author: Rajkiya Live

दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.