sangli bank news : चार नेत्यांच्या कारखान्यांकडे 550 कोटी थकित : जिल्हा मध्यवर्ती सहकारी बॅँकेत चार बड्या नेत्यांशी संबधित साखर कारखान्यांकडे तब्बल 550 कोटी रुपयांचे कर्ज थकित आहेत. केन अ‍ॅग्रो, वसंतदादा, महांकाली व माणगंगा साखर कारखान्याचा समावेश आहे. खा. विशाल पाटील यांच्या संबधित वसंतदादा कारखाना, वसंतदादा एरिगेटर्स, स्वप्नपूर्ती साखर कारखाना व सह्याद्री मोर्टस या संस्थांकडे तब्बल 190 कोटी तर भाजपचे नेते माजी आमदार पृथ्वीराज देशमुख यांच्या केन अ‍ॅग्रो कारखान्याकडे 250 कोटी रुपयांची थकबाकी आहे.

sangli bank news : चार नेत्यांच्या कारखान्यांकडे 550 कोटी थकित

जिल्हा बँकेची खासदार विशाल पाटील, पृथ्वीराज देशमुखांची सर्वाधिक थकबाकी

जिल्हा बॅँकेने मार्चच्या कर्ज वसुलीसाठी बँकेचे अध्यक्ष मानसिंगराव नाईक, मुख्य कार्यकारी अधिकारी शिवाजीराव वाघ व संचालक मंडळाने कर्ज वसुलीवर जोर देत शेती कर्जासह बिगर शेती कर्जाच्या वसुलीला प्राधान्य दिले आहे. जिल्हा बॅँकेची बिगर शेती संस्थांकडे सुमारे 1 हजार कोटींपेक्षा जास्त थकबाकी आहे. विशेष म्हणजे यात जिल्ह्यातील बडया नेत्यांशी संबधीत साखर कारखाने, सूतगिरण्या व अन्य सहकारी संस्थांचा समावेश आहे. यातील काही नेते जिल्हा बॅकेतही संचालक आहेत. अध्यक्ष नाईक व सीईओ वाघ यांनी कोणाचाही मुलाहीचा न ठेवता थकबाकीदार संस्थांवर वसुलीसाठी कायदेशीर कारवाई सुरु केली आहे.

चार साखर कारखान्यांकडे जिल्हा बॅँकेचे तब्बल 550 कोटी रुपये थकित आहेत.

खा. विशाल पाटील यांचा वसंतदादा कारखाना, माजी आमदार पृथ्वीराज देशमुख यांचा केन अ‍ॅग्रो, जिल्हा बॅँकेच्या संचालिका अनिता सगरे यांचा महांकाली व माजी आमदार राजेंद्रअण्णा देशमुख यांच्याशी संबधित माणगंगा साखर कारखान्याचा समावेश आहे. कर्ज वसुलीसाठी या चारही कारखान्याची मालमत्ता जिल्हा बॅँकेने सिक्युरिटायझेशन अ‍ॅक्ट अंतर्गत ताब्यात घेतली आहे. यातील काहींचा लिलाव काढण्यात आला होता. पण त्याला प्रतिसाद मिळाला नाही. केन अ‍ॅग्रो कारखान्याकडे तब्बल 250 कोटी रुपये थकित आहे. या कारखान्याची थकबाकी वसुलीसाठी कंपनी लवादासमोर प्रकरण असून सात समान्य हप्त्यात कर्ज फेडण्याची तयारी कारखान्याची आहे, याबाबत लवादाचा अंतिम निर्णय झालेला नाही.

sangli-bank-news-factories-of-four-leaders-owe-rs-550-crore

वसंतदादा साखर कारखाना दत्त इंडिया कंपनीला चालवण्यास दिला आहे. कंपनीने गेल्या तीन वर्षात एक रुपयाही भरलेला नाही. त्यामुळे बॅँकेने कंपनी व कारखान्याला नोटीस बजावून करार मोडून कारखाना ताब्यात घेण्याचा इशारा दिला आहे. महांकाली कारखान्याची जमीन विक्री करून जिल्हा बॅँकेचे कर्ज फेडण्याचे आदेश ऋण वसुली अपीलीय प्राधिकरणाने दिले होते. त्यानुसार मागील वर्षी बॅँकेने कारखान्यांना जमीन विक्रीची परवानगी दिली. त्याबाबतच करार करण्यात आला. मात्र तरीही कारखान्याने कर्ज फेडले नाही. त्यामुळे बॅँकेने करार मोडून कारखाना पुन्हा ताब्यात घेत लिलाव काढण्याची प्रक्रिया सुरु केली. याविरोधात कारखान्याने आता पुन्हा डीआटीमध्ये याचिका दाखल केली आहे.

माणगंगा कारखाना जिल्हा बॅँकेच्या ताब्यात आहे.

गतवर्षी तो चालवण्यास देण्यात आला पण ते शक्य न झाल्याने संबधित कंपनीने पुन्हा कारखाना जिल्हा बॅँकेकडे सर्पूद केला. या कारखान्याचा लिलाव काढण्यात आला पण, त्याला प्रतिसाद मिळाला नाही. माजी खा. संजयकाका पाटील यांच्याशी संबधीत संस्थांकडील थकबाकी वसुलीसाठी बॅँकेने एनसीएलटीमध्ये दावा दाखल केल्यानंतर या संस्थांकडील 67 कोटी रुपये

वसंतदादा दूध संघ, स्वप्नपूर्तीविरुद्ध याचिका

जिल्हा बॅँकेचे संचालक व वसंतदादा कारखान्याचे अध्यक्ष खा. विशाल पाटील यांच्याशी संबधित संस्थांकडे बॅँकेचे तब्बल 190 कोटी रुपये थकित आहेत. त्यामध्ये वसंतदादा कारखान्यासह वसंतदादा एरिगेटर्स (14 कोटी), स्वप्नपूर्ती कारखाना (23 कोटी) व सह्याद्री मोटर्सचा समावेश आहे. यातील सह्याद्री मोटर्सचे कर्ज खाते नियमित आहेत. तर वसंतदादा दूध संघ व स्वप्नपूर्तीकडील थकबाकी वसुलीसाठी जिल्हा बॅँकेने एनसीएलटीकडे (ऋण वसुली अपिलीय प्राधिकरणाने) याचिका दाखल केली आहे.

Author: Rajkiya Live

दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.