सांगली : sangli crime : इटकरे फाट्यावर देशी पिस्टल घेऊन फिरणार्‍या तरुणास केले जेरबंद ” वाळवा तालुक्यातील इटकरे फाट्यावर देशी बनावटीचे पिस्टल घेऊन संशयितरित्या फिरणार्‍या तरुणास पोलिसांनी जेरबंद केले. या तरुणांकडून एक देशी बनावटीचे पिस्टल आणि दोन जिवंत काडतूस असा एकूण 50 हजार 800 रुपयांचा मुद्देमाल जप्त केला. स्थानिक गुन्हे अन्वेषणच्या पथकाने सदरची कारवाई केली. नयन लक्ष्मण पाटील (वय 21 रा. नारायणटेक, टोप, जि. कोल्हापूर) असे अटक केलेल्या तरुणाचे नाव आहे.

sangli crime : इटकरे फाट्यावर देशी पिस्टल घेऊन फिरणार्‍या तरुणास केले जेरबंद

अवैध शस्त्र बाळगणार्‍यांवर कारवाई करण्याचे आदेश वरिष्ठ पोलीस अधिकार्‍यांनी दिले होते. त्याप्रमाणे स्थानिक गुन्हे अन्वेषणचे एक पथक शहरात पेट्रोलिंग करत होते. यावेळी पथकातील कर्मचारी कॉन्स्टेबल कुबेर खोत आणि अभिजित ठाणेकर हे वाळवा तालुक्यात पेट्रोलिंग करत असताना त्यांना माहिती मिळाली कि, संशयित नयन पाटील हा स्वतःजवळ देशी बनावटीचे पिस्टल बाळगून इटकरे फाट्यावर उभा आहे.
मिळालेल्या माहिती प्रमाणे पथकातील कर्मचार्‍यांनी तातडीने त्याठिकाणी सापळा लावून संशयित पाटील याला जेरबंद केले. त्याला ताब्यात घेऊन तपासणी केली असता कमरेला एक पिस्टल आणि दोन जिवंत काडतुसे मिळाली. यावेळी चौकशी केली असता त्याच्याकडे कोणताही परवाना नसल्याचे निष्पन्न झाले.

यानंतर 50 हजार 800 रुपयांचा मुद्देमाल जप्त करून पुढील कारवाईसाठी त्याला कुरळप पोलिसांच्या स्वाधीन करण्यात आले. सदरची कारवाई पोलीस निरीक्षक सतीश शिंदे, सहाय्यक निरीक्षक संदीप शिंदे, सचिन धोत्रे, कुबेर खोत, अरुण पाटील, अभिजित ठाणेकर, दीपक गट्टे, रोहन घस्ते, सुनील जाधव, प्रमोद साखरपे यांच्या पथकाने केली.

Author: Rajkiya Live

दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.