सांगली :

SANGLI CRIME : सांगलीत बैलाच्या शेपटीनजीक कुर्‍हाडीने वार : शस्त्रक्रियेव्दारा काढली कुर्‍हाड. : माधवनगर परिसरात बैलाच्या शेपटीनजीक अज्ञाताने कुर्‍हाडीने वार केला. हा वार इतका खोलवर होता की बैलाच्या अंगात कुर्‍हाड रुतून बसली होती. ही बाब प्राणिमित्रांच्या निदर्शनास येताच त्यांनी तातडीने निमल राहतच्या वैद्यकीय अधिकार्‍यांना याची कल्पना दिली. बैलास बेशुध्द करुन सुमारे एक तासाच्या अथक प्रयत्नाने ही कुर्‍हाड काढण्यात यश आले. संजयनगर पोलीस ठाण्यात अज्ञाताविरोधात गुन्हा दाखल करण्यात आला आहे.

SANGLI CRIME : सांगलीत बैलाच्या शेपटीनजीक कुर्‍हाडीने वार : शस्त्रक्रियेव्दारा काढली कुर्‍हाड

याबाबत अधिक माहिती अशी की, मंगळवार दि. 16 रोजी सकाळच्या सुमारास माधवनगर परिसरात एका बैलाच्या शेपटी जवळ कुर्‍हाड अडकल्याचे लक्षात आले. बैलाला काहीच करता येत नसल्यामुळे तो कुर्‍हाडीसकटच फिरत होता. पाठीमागे मोठ्या प्रमाणात रक्सस्त्राव देखील झाला होता.

प्राणिमित्रांनी तातडीने निमल राहत या प्राण्यांवर उपचार करणार्‍या संस्थेशी संपर्क साधला.

संस्थेच्या वैद्यकीय अधिकार्‍यांनी तातडीने घटनास्थळी धाव घेवून जखमी बैलाची पाहणी केली. कुर्‍हाडीचा बैलावर जोराचा वार करण्यात आल्याने ती बैलाच्या शरीरात अडकली होती की ती काढण्यासाठी त्याला बेशुद्ध करणे गरजेचे होते. पशूवैद्यकीय आधिकार्‍यांनी बैलास भूल दिली.

त्यानंतर बैल बेशुध्द झाल्यावर सुमारे तासभराच्या प्रयत्नाने कुर्‍हाड काढण्यात आली.

यावेळी रक्तस्त्राव झाला. मलमपट्टी केल्यानंतर जखमी बैलास पोलिसांच्या सूचनेनुसार पुढील उपचारासाठी सुरक्षितस्थळी पाठविण्यात आले. संजयनगर पोलीस ठाण्यास हल्लेखोरावर गुन्हा दाखल करण्यासाठी प्राणीमित्रांनी गर्दी केली होती. पोलिसांनी हल्लेखोरास शोधून त्याला शासन करावे अशी मागणी प्राणिमित्रांकडून होत आहे.

Author: Rajkiya Live

दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.