sangli crime news : सांगलीत डॉक्टरांच्या कारला भरधाव गाडीची धडक : चालकावर गुन्हा दाखल: सांगली : विश्रामबाग परिसरातील पलाश रेसिडेन्सी जवळ डॉक्टरांच्या कारला भरधाव कारने समोरून जोराची धडक दिली. या अपघातात कार मधील डॉक्टर हे जखमी झाले. सदरचा अपघात हा बुधवार दि. 11 डिसेंबर रोजी रात्री आठ वाजण्याच्या सुमारास झाला. या प्रकरणी डॉ. हर्षद कुमार तिप्पण्णावर (वय 37 रा. क्षितिज बंगला, दत्तनगर, सांगली) यांनी विश्रामबाग पोलीस ठाण्यात फिर्याद दिली आहे. त्यांच्या फिर्यादीवरून पोलिसांनी दुसरा कार चालक अक्षय कुचनुरे (रा. गणेशवाडी ता. शिरोळ) याच्या विरोधात गुन्हा दाखल केला आहे.
sangli crime news : सांगलीत डॉक्टरांच्या कारला भरधाव गाडीची धडक : चालकावर गुन्हा दाखल
याबाबत अधिक माहिती अशी कि, डॉ. हर्षद तिप्पण्णावर हे आपल्या कुटुंबियांसह विश्रामबाग परिसरातील दत्तनगर येथे राहतात. बुधवारी रात्री तिप्पण्णावर हे त्यांच्या कार (क्र, 10 सीए 7760) मधून धामणी रोडवरून घरी रात्री आठ वाजण्याच्या सुमारास निघाले होते. तिप्पण्णावर यांची कार पलाश रेसिडेन्सी जवळ आली असता समोरून संशयित कार चालक अक्षय कुचनुरे हा त्याच्या ताब्यातील एर्टिगा कार (क्र, एमएच 51 ए 1908) हि भरधाव वेगात घेऊन आला.
या कार ने तिप्पण्णावर यांच्या गाडीला समोरून जोराची धडक दिली. या अपघातात तिप्पण्णावर हे जखमी झाले. या अपघातानंतर तिप्पण्णावर यांनी विश्रामबाग पोलीस ठाण्यात फिर्याद दिली. त्यांच्या फिर्यादीवरून पोलिसांनी संशयित कार चालक अक्षय कुचनुरे याच्या विरोधात गुन्हा दाखल केला आहे.
Author: Rajkiya Live
दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.
