sangli crime news : तुंगमध्ये बनावट सोने तारण ठेऊन बँकेची 4 लाखाची फसवणूक : सांगली : मिरज तालुक्यातील तुंग येथील आयसीआयसीआय बँकेच्या शाखेत वेळोवेळी सोने खरे असल्याचे सांगून ते तारण ठेऊन कर्ज घेतले. बँकेचे ऑडिट झाले असता सदरचे सोने हे बनावट असल्याचे निष्पन्न झाले. याबाबत बँकेची फसवणूक करणार्‍या दोन सोनारांसह तिघांवर गुन्हा दाखल केला आहे.

sangli crime news : तुंगमध्ये बनावट सोने तारण ठेऊन बँकेची 4 लाखाची फसवणूक :

कसबे डिग्रज, तुंग, बागणीतील तिघांवर गुन्हा दाखल.

या प्रकरणी बँकेचे मॅनेजर नानासो किसन सरक यांनी सांगली ग्रामीण पोलीस ठाण्यात फिर्याद दिली आहे. नौशाद शेखर जमादार (रा. तुंग), नेमिनाथ धनपाल गलांडगे (रा. कसबे डिग्रज) आणि जगदीश आदिनाथ पाटील (रा. बागणी) अशी गुन्हा दाखल झालेल्यांची नावे आहेत.

याबाबत अधिक माहिती अशी कि, फिर्यादी नानासो सरक हे आयसीआयसीआय बँकेच्या तुंग शाखेत मॅनेजर म्हणून काम करतात. संशयित नौशाद जमादार यांनी दि. 14 डिसेंबर 2022 रोजी 35 ग्रॅम सोन्याची चेन तारण ठेऊन त्यावर 1 लाख 22 हजार 858 रुपये कर्ज घेतले होते. दि. 19 डिसेंबर 2022 रोजी पुन्हा जमादार याने पुन्हा दोन सोन्याची चेन गहाण ठेऊन 2 लाख 23 हजारांचे कर्ज घेतले. यानंतर दि. 17 जानेवारी 2023 रोजी बँकेचे ऑडिट झाले.

sangli-crime-news-bank-defrauded-of-4-lakhs-by-pawning-fake-gold-in-tung

यावेळी सोनार शीतल शहा यांनी बँकेत संशयितांनी ठेवलेले सोन्याचे दागिने तपासले असता ते खोटे असल्याचे प्रमाणपत्र दिले. यानंतर बँक मॅनेजर सरक यांनी सांगली ग्रामीण पोलीस ठाण्यात फिर्याद दिली. त्यांच्या फिर्यादीवरून सोने बनावट असल्याचे माहित असूनही ते खरे असलेले प्रमाणपत्र देणार्‍या दोघा सोनारांसह कर्जदारावर फसवणुकीचा गुन्हा दाखल केला आहे.

Author: Rajkiya Live

दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.