चार लाखांचे दागिने जप्त : एलसीबीची कुपवाड मध्ये कारवाई.

sangli crime news : चेन स्नॅचिंग करणारा आंतरराज्य सराईत चोरटा गजाआड : सांगली मिरजेतील चार गुन्हे उघड : : सांगली : शहरासह मिरजेत चेन स्नॅचिंग करून जबरी चोरी करणार्‍या आंतरराज्य सराईत चोरट्याच्या मुसक्या आवळण्यात पोलिसांना यश आले. या चोरट्याकडून चार चेन स्नॅचिंगची गुन्हे उघडकीस आले असून त्याच्याकडून सोन्याचे दगतीने आणि दुचाकी असा 4 लाख 6 हजार 700 रुपयांचा मुद्देमाल जप्त केला. स्थानिक गुन्हे अन्वेषणच्या पथकाने कुपवाड सूतगिरणी चौक परिसरात सदरची कारवाई केली. मेहंदी हसन अक्रम अली सय्यद (वय 38 रा. चदरी जि. बिदर राज्य कर्नाटक) असे अटक केलेल्या सराईताचे नाव आहे.

sangli crime news : चेन स्नॅचिंग करणारा आंतरराज्य सराईत चोरटा गजाआड : सांगली मिरजेतील चार गुन्हे उघड :

सांगलीसह जिल्ह्यातील काही भागात चेन स्नॅचिंगच्या घटना घडल्या होत्या. या पार्श्वभूमीवर स्थानिक गुन्हे अन्वेषनचे एक पथक चेन स्नॅचिंग करणार्‍यांची माहिती घेत होते. यावेळी पथकातील कर्मचारी सागर लवटे, अनिल कोळेकर आणि विक्रम खोत यांना माहिती मिळाली कि, संशयित सय्यद हा दुचाकीवरून चोरी केलेलं दागिने हे विक्रीसाठी कुपवाड सूतगिरणी चौकात येणार आहे.

मिळालेल्या माहिती प्रमाणे पथकातील कर्मचार्‍यांनी त्याठिकाणी सापळा रचून रोडकडेला थांबलेल्या संशयित सय्यद याला ताब्यात घेतले. त्याची झडती घेतली असता त्याच्या जवळ सोन्याचे दागीने मिळाले. दागिन्यांबाबत कसून चौकशी केली असता त्याने सांगितले कि, सांगलीतील त्रिकोणी बाग, नागराज कॉलनी आणि मिरजेतील अमबाबाई रेसिडेन्शी, ब्राम्हणपुरी येथील महिलांच्या गळ्यातील दागिन्यांना हिसडा मारून चोरले आहे.

यावेळी त्याला ताब्यात घेऊन त्याच्याकडून एकूण 3 लाख 41 हजार 700 रुपयांचे सोन्याचे दागिने, 65 हजारांची दुचाकी असा एकूण 4 लाख 6 हजार 700 रुपयांचा मुद्देमाल जप्त केला. सदरची कारवाई पोलीस निरीक्षक सतीश शिंदे, सहाय्यक निरीक्षक पंकज पवार, कर्मचारी सागर लवटे, महादेव नागणे, संदीप गुरव, अनिल कोळेकर, सागर टिंगरे, अमर नरळे, नागेश खरात, मच्छिन्द्र बर्डे, विक्रम खोत यांच्या पथकाने केली. दरम्यान, संशयित सय्यद हा सराईत चोरटा असून त्याच्यावर मुंबईसह कर्नाटक मध्ये चेन स्नॅचिंग आणि मोबाईल चोरीचे गुन्हे दाखल असल्याची माहिती निरीक्षक सतीश शिंदे यांनी दिली.

Author: Rajkiya Live

दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.