sangli crime news : नगरभूमापन अधिकारी लाचलुचपत विभागाच्या जाळ्यात : प्लॉट सामीलीकरण करुन घेण्यासाठी 75 हजाराची लाच मागितल्याचे निष्पन्न झाल्याने येथील नगरभूमापन अधिकारी दुष्यंत विश्वास कोळी रा.फॉर्च्यून अपार्टमेंट, सांगलीरोड, याचेवर आज कोल्हापूरच्या लाचलुचपत विभागाने कारवाई केली.

sangli crime news : नगरभूमापन अधिकारी लाचलुचपत विभागाच्या जाळ्यात

तक्रारदाराचे शहापूर हद्दीतील प्लॉट सामीलीकरण करुन घेण्याचे काम होते यासाठी इथल्या मंजुरीनतर जिल्हा अधिक्षक भूमी अभिलेख यांची मंजुरी घेणेचा अर्ज होता. या दोन्ही कामासाठी दुष्यंत कोळी याने 75 हजाराच्या लाचेची मागणी केली तेव्हा तक्रारदार यांनी कोल्हापूर येथील लाचलुचपत प्रतिबंधक विभागाकडे लाच मागितल्याची तक्रार केली या तक्रारीनुसार विभागाच्या अधिकार्‍यांनी मोबाईल कॉल संभाषणाद्वारे लाच मागितल्याची खात्री केली.त्यानुसार आज प्रत्यक्ष कारवाई करुन शिवाजीनगर पोलीसात दुष्यंत कोळी विरोधी गुन्हा दाखल केला. पोलीसांनी कोळी यास अटक करुन न्यायालयासमोर उभे केले असता त्याला दोन दिवसाची पोलीस कोठडी दिली.

कोल्हापूर लाचलुचपत विभागाच्या पो.उपअधिक्षक वैष्णवी पाटील यांच्या मार्गदर्शनाखाली पोलीस निरिक्षक बापू साळुंके,सहा.पो.निरिक्षक प्रकाश भंडारे, पो.हेका.संदीप काशिद,पो.ना.सचिन पाटील,कॉ.पूनम पाटील,प्रशांत दाखवणे, यांनी ही कारवा केली
दुष्यंत कोळी हा मूळ शिरोळचा पूर्वी इचलकरंजीत डॉक्टरी व्यवसाय करायचा नंतर तो प्रशासकीय सेवेत आला. येथील भूमापन कार्यालयात कामासाठी येणार्‍या लोकांना हेलपाटे मारायला लावून खूप त्रास देत होता.याच्या विरोधी खूप तक्रारी हत्या या कारवाईमुळे समाधान व्यक्त करण्यात येत आहे.

Author: Rajkiya Live

दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.