सांगली :
sangli crime news : दारू पिऊन त्रास देणार्‍या मुलावर वडिलांनी केला कुर्‍हाडीने हल्ला : : दारू पिऊन सतत त्रास देणार्‍या आणि पैसे मागणार्‍या मुलावर वडिलांनी कुर्‍हाडीने आणि चाकूने वार करून खुनी हल्ला केल्याचा प्रकार कर्नाळ (ता. मिरज) येथील वसंतदादानगरमध्ये दुपारी अडीचच्या सुमारास घडला. या हल्ल्यात मुलगा विनायक तातोबा नरळे (वय 28) हा गंभीर जखमी झाला आहे. सांगली ग्रामीण पोलिस ठाण्यात याबाबत नोंद झाली आहे. संशयित वडील तातोबा नामदेव नरळे यांना पोलिसांनी ताब्यात घेतले आहे.
sangli crime news : दारू पिऊन त्रास देणार्‍या मुलावर वडिलांनी केला कुर्‍हाडीने हल्ला :
पोलिसांनी दिलेली माहिती अशी, कर्नाळ येथील विनायक नरळे याला दारूचे व्यसन आहे. रोज दारूसाठी तो वडिलांना पैसे मागून त्रास देत होता. पैसे न दिल्यास शिवीगाळ करणे, दंगा करणे असा त्रास देत होता. तसेच रात्री दारू पिऊन आल्यानंतर आई-वडिलांना त्रास देत होता. बर्‍याचवेळा समजावून सांगूनही तो ऐकत नव्हता. त्यामुळे आई-वडील त्रासाला वैतागले होते. बुधवारी दुपारी देखील त्याने वडिलांना दारूसाठी पैसे मागितले.
वडिलांनी नकार देताच शिवीगाळ करू लागला. सततच्या त्रासाला कंटाळलेल्या वडिलांनी रागाने लाकूड तोडण्याच्या कुर्‍हाडीने आणि चाकूने विनायकवर हल्ला केला. त्याच्या छातीवर, पोटावर आणि पाठीवर वार केले. हल्यात विनायक गंभीर जखमी झाला.
जखमी विनायकला शेजारील नागरिकांच्या मदतीने सांगलीत सिव्हिल हॉस्पिटलमध्ये उपचारास दाखल करण्यात आले आहे. विनायकची आई सुनिता नरळे यांनी सांगली ग्रामीण पोलिस ठाण्यात याबाबत फिर्याद दिली आहे. त्यानुसार तातोबा नरळे यांच्याविरूद्ध रात्री उशिरा गुन्हा दाखल करण्यात आला. पोलिसांनी त्यांना ताब्यात घेतले आहे.
Author: Rajkiya Live
दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.
