sangli crime news : सांगलीतील अहिल्यानगरमध्ये कार चालकास मारहाण करत चार तोळ्यांची चेन, मोबाइलसह दोन लाखांचा ऐवज लंपास : सांगली : संजयनगर परिसरातील अहिल्यानगर येथील अहिल्यादेवी होळकर स्मारक रोडवर कार मधून निघालेल्या व्यक्तीस दुचाकीस्वारांनी अडवून बेदम मारहाण करत चार तोळ्यांची सोन्याची चेन, आयफोन असा एकूण दोन लाखांचा मुद्देमाल लंपास केला.

sangli crime news : सांगलीतील अहिल्यानगरमध्ये कार चालकास मारहाण करत चार तोळ्यांची चेन, मोबाइलसह दोन लाखांचा ऐवज लंपास

सदर जबरी चोरीची घटना हि सोमवार दि. 27 जानेवारी रोजी सायंकाळी साडे सहा वाजण्याच्या सुमारास घडली. या प्रकरणी राहुल महादेव कोळी (वय 35 रा. मिरज) यांनी संजयनगर पोलीस ठाण्यात फिर्याद दिली आहे. त्यांच्या फिर्यादीवरून पोलिसांनी लूटमार करणार्‍या संजय सदाशिव खांडेकर (वय 38 रा. अर्जुनवाड) याला अटक केली आहे.

याबाबत अधिक माहिती अशी कि, राहुल कोळी हे आपल्या कुटुंबियांसह मिरज ते कुपवाड जाणार्‍या रोडवरील ग्रीन पार्क येथे राहतात. सोमवारी सायंकाळी साडे सहा वाजण्याच्या सुमारास कोळी हे त्यांच्या कार मधून अहिल्यादेवी होळकर स्मारक रोडवरून निघाले होते. यावेळी त्यांच्या कारच्या आडवी दुचाकी मारून त्यांना थांबवले.

यावेळी कोळी यांना गाडीच्या बाहेर ओढून काही कारण नसताना शिवीगाळ करत मारहाण करू लागले. कोळी त्यांच्या तावडीतून सुटून पळाले. काही वेळाने कार नेण्यासाठी परत ते आले अडत पुन्हा दुचाकीवरून दोघेजण आले आणि मारहाण करून त्यांच्या गळ्यातील 1 लाख 60 हजार रुपये किमतीची चार तोळे वजनाची सोन्याची चेन, 40 हजारांचा आयफोन असा एकूण दोन लाखांचा मुद्देमाल लंपास केला.

घडलेल्या या घटनेनंतर राहुल कोळी यांनी संजयनगर पोलीस ठाण्यात फिर्याद दिली. घटनेचे गांभीर्य ओळखून उपअधीक्षक विमला एम यांनी तातडीने घटनास्थळी भेट देऊन तपासाच्या सूचना दिल्या. पोलिसांनी तपासाची चक्रे फिरवून संशयित खांडेकर याला अटक केली आहे.

Author: Rajkiya Live

दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.