sangli crime news : ट्रक चोरून स्क्रॅप करून पैसे कमावणारी आंतरराज्य टोळी जेरबंद ” सांगली : पेठ नाका येथील माणिकांडण हॉटेल बाहेर पार्किंग मध्ये लावलेला ट्रक चोरून तो कर्नाटकात स्क्रॅप करून पैसे मिळवणार्‍या अनंतरराज्य टोळीच्या मुसक्या आवळण्यात पोलिसांना यश आले आहेत. या प्रकरणी दोघांना अटक केली असून त्यातील एकजण रेकॉर्डवरील गुन्हेगार आहे तर तिसरा पसार झाला आहे. स्थानिक गुन्हे अन्वेषणच्या पथकाने सांगली रेल्वे स्थानकाबाहेर सदरची कारवाई केली. आसिफ राजू शेख (वय 39 रा. मूळ सांगली सध्या वाडी वसाहत कोल्हापूर), महबूबसहाब बाबूसाब हकीम (वय 49 रा. हुबळी) अशी अटक केलेल्यांची नावे आहेत तर महम्मद आयुब पंतोजी (रा. हुबळी) हा पसार झाला आहे.

sangli crime news : ट्रक चोरून स्क्रॅप करून पैसे कमावणारी आंतरराज्य टोळी जेरबंद

याबाबत अधिक माहिती अशी कि, वाळवा तालुक्यातील महादेववाडी येथील सिकंदर पठाण यांनी त्यांच्या मालकीचा मालवाहू ट्रक दि. 24 एप्रिल 2024 रोजी पेठनाका येथील हॉटेल मणिकांडंण येथे लॉक करून लावला होता. मध्यरात्रीच्या सुमारास अज्ञात चोरट्यांनी हा ट्रक चोरून नेला होता. या घटनेची नोंद इस्लामपूर पोलीस ठाण्यात झाली होती. स्थानिक गुन्हे अन्वेषणचे एक पथक चोरीचे गुन्हे उघडकीस आणण्यासाठी पेट्रोलिंग करत होते.

यावेळी पथकातील कर्मचार्‍यांना माहिती मिळाली कि, सांगली रेल्वे स्थानकांवर रेकॉर्डवरील आरोपी असिफ शेख हा येणार आहे. मिळालेल्या माहिती प्रमाणे पथकाने तातडीने रेल्वे स्थानक परिसरात सापळा लावला. यावेळी आसिफ शेख आणि महाबुबसहाब हकीम या दोघांमध्ये पैशांचा व्यवहार सुरु असल्याचे निदर्शनास आले. यावेळी दोघांना ताब्यात घेऊन शेख यांच्याकडे कसून चौकशी केली असता त्याच्याजवळ 98 हजार रुपये मिळाले. दरम्यान, पेटनाका येथील हॉटेल समोरून ट्रक चोरून हुबळी येथील पंतोजी याला स्क्रॅप करण्यासाठी दिला होता. हकीम हा स्क्रॅप केलेल्या ट्रकचे पैसे देण्यासाठी आल्याचे त्याने सांगितले.

यावेळी दोघांना ताब्यात घेऊन पुढील चौकशीसाठी इस्लामपूर पोलिसांच्या स्वाधीन केले.

दरम्यान, अटकेतील असिफ शेख हा रेकॉर्डवरील गुन्हेगार असून त्याच्यावर सांगली आणि सातारा जिल्ह्यातील विविध पोलीस ठाण्यात गुन्हे दाखल आहेत. सदरची कारवाई पोलीस निरीक्षक सतीश शिंदे, सहाय्यक निरीक्षक जयदीप कळेकर, कर्मचारी अनिल ऐनापुरे, संदीप पाटील, गुंडोपंत दोरकर, अमोल ऐदाळे, आमसिद्ध खोत, अनंत कुडाळकर, संकेत कानडे यांच्या पथकाने केली.

Author: Rajkiya Live

दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.