sangli crime news : धूळवाडी दिवशी भांगेच्या गोळ्यांची विक्री करणाऱ्या परप्रांतीय जेरबंद  सांगली : शुक्रवारी धुळवड सणाच्या औचित्याने सांगलीवाडी येथील एका स्क्रॅप दुकानाजवळ भांगेच्या नशेच्या गोळ्यांची विक्री करणाऱ्या परप्रांतीय तरुणाच्या पोलिसांनी मुसक्या आवळल्या. या प्रकरणी उत्तरप्रदेश मधील तरुणास अटक केली आहे. या तरुणांकडून २ लाख २७ हजार २८० रुपयांच्या ११ किलो ३१४ ग्रॅम वजनाच्या गोळ्या जप्त केल्या आहेत.

sangli crime news : धूळवाडी दिवशी भांगेच्या गोळ्यांची विक्री करणाऱ्या परप्रांतीय जेरबंद

 उत्तरप्रदेशातील तरुणास केली अटक : २ लाख २७ हजारांच्या गोळ्या केल्या जप्त.

स्थानिक गुन्हे अन्वेषण विभागाच्या पथकाने सदरची कारवाई केली. दीपक राधेशाम केवट (वय २६ रा. सांगलीवाडीम, मूळ कुन्नुकाडेला जि. फत्तेपूर सिक्री, उत्तरप्रदेश) असे अटक केलेल्या तरुणाचे नाव आहे.

शुक्रवारी धुळवड सणाच्या निमित्ताने स्थानिक गुन्हे अन्वेषणचे एक पथक अंमली पदार्थांची तस्करी करणाऱ्यांवर कारवाई करण्यासाठी पेट्रोलिंग करत होते. यावेळी पथकातील कर्मचारी सोमनाथ पतंगे यांना माहिती मिळाली कि, संशयित दीपक केवट हा सांगलीवाडीतील त्याच्या स्क्रॅपच्या दुकानाजवळ भांगेच्या गोळ्यांची विक्री करत आहे. मिळालेल्या माहिती प्रमाणे पथकातील कर्मचाऱ्यांनी त्याठिकाणी तातडीने छापा टाकून केवट याला ताब्यात घेतले.

यावेळी स्क्रॅप गोडाऊनची तपासणी केली असता एका बॅरेल मध्ये मोठ्या प्रमाणात भांगेच्या गोळ्या मिळाल्या. या गोळ्यांबाबत त्याच्याकडे कसून चौकशी केली असता त्याने सांगितले कि, सदरच्या गोळ्या या त्याच्या मूळ गावी उत्तरप्रदेश येथून रंगपंचमी सणाच्या निमित्ताने विक्री करण्यासाठी आणल्याचे सांगितले. यावेळी त्याच्याकडून २ लाख २७ हजार २८० रुपयांच्या ११ किलो ३१४ ग्रॅम वजनाच्या गोळ्या जप्त करून अटक करण्यात आली.

पुढील तपास कामी त्याला सांगली शहर पोलिसांच्या स्वाधीन केले. सदरची कारवाई पोलीस निरीक्षक सतीश शिंदे, सहाय्यक निरीक्षक नितीन सावंत, कर्मचारी इम्रान मुल्ला, अमोल ऐदाळे, संकेत मगदूम, अतुल माने, आमसिध्द खोत, बाबासाहेब माने, अनंत कुडाळकर, सोमनाथ पतंगे आणि रोहन घस्ते यांच्या पथकाने केली.

Author: Rajkiya Live

दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.