sangli crime news : सांगलीत भर रस्त्यात अल्पवयीन मुलीची छेड, संशयित तरुणावर पोक्सो अंतर्गत गुन्हा : सांगली : मूळची तासगाव तालुक्यातील असलेली आणि सध्या विश्रामबाग येथील एका महाविद्यालयात शिक्षण घेत असलेल्या अल्पवयीन मुलीला भर दिवसा, भर रस्त्यात अडवून तिची छेड काढत तिच्यासोबत अश्लील चाळे केल्याची धक्कादायक घटना उघडकीस आली. सदरची घटना हि दि. 04 जानेवारी रोजी दुपारी दोन वाजण्याच्या सुमारास विश्रामबाग परिसरात घडली.

sangli crime news : सांगलीत भर रस्त्यात अल्पवयीन मुलीची छेड, संशयित तरुणावर पोक्सो अंतर्गत गुन्हा

घडलेल्या या घटनेनंतर पीडित अल्पवयीन मुलीने विश्रामबाग पोलीस ठाण्यात फिर्याद दिली. पीडितेच्या फिर्यादीवरून पोलिसांनी तातडीने संशयित शाम रजपूत (वय 25 रा. विश्रामबाग) याच्यावर पोक्सो अंतर्गत गुन्हा दाखल करून त्याला अटक केली आहे.

याबाबत पोलिसांकडून मिळालेली अधिक माहिती अशी की, पीडित अल्पवयीन मुलगी हि तासगाव तालुक्यातील एका गावामध्ये राहते. सांगली मधील विश्रामबाग परिसरात असणार्‍या एका महाविद्यालयात ती शिक्षण घेत असून याच परिसरात असलेल्या हॉस्टेल मध्ये ती राहते. दि. 04 जानेवारी रोजी पीडित अल्पवयीन मुलगी हि दुपारी अडीच वाजण्याच्या सुमारास विश्रामबाग परिसरातील एका अकॅडमी जवळून जात होती.

यावेळी संशयित शाम रजपूत हा त्याच्या मोपेड दुचाकी (क्र. एमएच 10 डीएस 1978) वरून आला. त्याने पीडित तरुणीला भर रस्त्यात अडवून तिच्याशी गैरकृत्य करून अश्लील चाळे करत विनयभंग केला. यानंतर पीडितेने भीतीपोटी घडलेली घटना कोणाला सांगितली नाही.

sangli-crime-news-minor-girl-molested-on-bhar-road-in-sangli-suspect-charged-under-pocso

मात्र, त्यानंतर पुन्हा संशयित त्रास देत असल्याने पीडितेने विश्रामबाग पोलीस ठाण्यात धाव घेत फिर्याद दिली. पीडितेच्या फिर्यादीवरून पोलिसांनी संशयित रजपूत याच्या विरोधात बालकांचे लैंगिक अत्याचारांपासून संरक्षण अधिनियम अंतर्गत (पोक्सो) गुन्हा दाखल केला आहे. दरम्यान, पोलिसांनी संशयित रजपूत याला अटक केली असून त्याला न्यायालयापुढे उभे केले असता तीन दिवसांची पोलीस कोठडी सुनावली आहे.

Author: Rajkiya Live

दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.