sangli crime news : बोरगांव टोल नाक्यावर वॅगनार पेटून जळून खाक एकाचा होरपळून मृत्यू : कवठेमहांकाळ (प्रतिनिधी:- रत्नागिरी ते नागपूर राष्ट्रीय महामार्गावरील कवठेमहांकाळ तालुक्यातील बोरगाव येथील टोल नाक्यावर सीएनजी वॅगनार या चार चाकी गाडीने अचानक पेट घेतल्याने स्फोट होऊन गाडीतील चालकाचा जळुन दुर्दैवी मृत्यू झाला आहे. गाडी जळून खाक झाली.ही रविवारी रात्री पावणे दहा वाजण्याच्या सुमारास घडली.

sangli crime news : बोरगांव टोल नाक्यावर वॅगनार पेटून जळून खाक एकाचा होरपळून मृत्यू

घटनास्थळावरून मिळालेली माहिती अशी की, शिरढोण कडून मिरज कडे जात असणारी सीएनजी वॅगनर कार एम. एच.02/ सी.झेड.3529 या गाडीने बोरगाव टोल नाक्याच्या पूर्वेकडील बाजुस सुमारे दोनसे मीटर मागे अचानक पेट घेतला. तशीच गाडी पुढे बोरगाव टोल नाक्यावर थांबली असता गाडीचे दरवाजे अचानक लॉक झाले व गाडीमध्ये असणार्‍या व्यक्तीला बाहेर येता आले नाही.सदरची वॅगनार गाडी अलकूड एम गावानजिक असलेल्या पेट्रोल पंपावर सीएनजी भरावयास जात असल्याचे समजते.

या दुर्घटनेत गणेश विश्वनाथ माळवदे ( वय 27) रा. कवठे महांकाळ याचा जागीच मृत्यू झाला. गाडीने पेट घेतल्यानंतर गाडीचा स्फोट झाला. या आगीत गाडी पूर्णपणे जळून खाक झाली. घटनास्थळी वाहतूक पोलीस निरीक्षक युवराज पाटील व कवठे महांकाळचे पोलीस यांनी तातडीने दाखल झाले. रविवारी रात्री उशीरा कवठेमहांकाळ पोलीस ठाण्यात अपघाताची नोंद झाली आहे.

Author: Rajkiya Live

दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.