sangli crime news : फुकट दाढी केली नाही म्हणून कवठेपिरानच्या युवकाकडून सलून चालकास मारहाण : सांगली : शहरातील एसटी स्टॅन्ड परिसरात असलेल्या एका सलून चालकाला फुकट दाढी करण्यास नकार दिल्याच्या रागातून त्याच्यासह त्याच्या ग्राहकांना लाथाबुक्क्यांनी बेदम मारहाण केल्याची घटना घडली.

sangli crime news : फुकट दाढी केली नाही म्हणून कवठेपिरानच्या युवकाकडून सलून चालकास मारहाण

सदर मारहाणीचा प्रकार हा रविवार दि. 30 मार्च रोजी सायंकाळी पाच वाजण्याच्या सुमारास घडला. या प्रकरणी जखमी संदीप राजाराम संकपाळ (वय 38 रा. सांगली) यांनी सांगली शहर पोलीस ठाण्यात फिर्याद दिली आहे. त्यांच्या फिर्यादीवरून पोलिसांनी मारहाण करणार्‍या सुशांत कोळेकर (रा. कवठेपिरान) याच्या विरोधात गुन्हा दाखल केला आहे.

याबाबत अधिक माहिती अशी कि, जखमी संदीप संकपाळ याने शहरातील बस स्थानक परिसरातील झुलेलाल चौक ते पत्रकारनगरकडे जाणार्‍या मार्गावर महाराष्ट्र हेअर कटिंग सलून नावाने दुकान आहे. संकपाळ हे रविवारी सायंकाळी पाच वाजण्याच्या सुमारास दुकानांमध्ये काम करत होते. यावेळी संशयित सुशांत कोळेकर हा त्याठिकाणी आला.

त्याने संदीप यांना फुकट दाढी कर असे म्हणून दमदाटी करू लागला. यावेळी संदीप यांनी फुकट दाढी करण्यास नकार दिल्याने संशयित सुशांत याने लाथाबुक्क्यांनी बेदम मारहाण करण्यास सुरवात केली.

sangli-crime-news-salon-owner-beaten-up-by-kavathepiran-youth-for-not-shaving-for-free

यावेळी दुकानात असलेल्या इतर ग्राहकांनी भांडणे सोडवण्यासाठी मध्यस्थी केली असता त्यातील दोघांनाही त्याने लाथाबुक्क्यांनी बेदम मारहाण करून जखमी केले आणि निघून गेला. घडलेल्या या प्रकारानंतर जखमी संदीप संकपाळ यांनी सांगली शहर पोलीस ठाण्यात फिर्याद दिली. त्यांच्या फिर्यादीवरून पोलिसांनी मारहाण करणार्‍या संशयित तरुणीवर गुन्हा दाखल केला आहे.

Author: Rajkiya Live

दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.