दारूच्या नशेत मालेगावातील तरुणाचे कृत्य : संशयितास केली अटक.

sangli crime news : सांगलीत कंट्रोलरूम येथे बॉब ठेवल्याच्या धमकीचा फोन :: सांगली : पोलीस कंट्रोल रूमला फोन करून सर्व कंट्रोल रूम येथे बॉम्ब ठेवल्याचा एक निनावी फोन आज शनिवारी दुपारी आला. या अज्ञात फोन ने पोलिसांची मोठी तारांबळ उडाली. तातडीने श्वान पथक तसेच बॉम्ब डिटेक्ट पथकाने जिल्हाधिकारी कार्यालय, पोलीस मुख्यालय आणि सांगली मिरजेतील बस स्थानकांची तपासणी केली असता सदरचा फोन हा खोटा असल्याचे निष्पन्न झाले. यानंतर पोलिसांनी तांत्रिक माहितीच्या आधारे तपासाची चक्रे फिरवली आणि दारूच्या नशेत फोन करणार्‍या मालगावातील तरुणास अटक केली. यमनाप्पा मरगप्पा माडर (वय 50 रा. मालगाव) असे अटक केल्याचे नाव आहे. दरम्यान, माडर याने यापूर्वी 2023 साली असाच कॉल केल्याचे निष्पन्न झाले आहे.

sangli crime news : सांगलीत कंट्रोलरूम येथे बॉब ठेवल्याच्या धमकीचा फोन :

आज सकाळी साडे अकरा वाजण्याच्या सुमारास एका व्यक्तीने डायल 112 या कंट्रोल रूमला फोन करून सांगली कंट्रोल रूम मध्ये बॉम्ब ठेवला आहे. आम्हाला तातडीने मदत हवी आहे अशा आशयाचा अर्धवट फोन करून कट केला. सदरचा कॉल सांगली शहर पोलीस ठाण्याचे कर्मचारी वसीम मुलाणी यांना ट्रान्स्फर झाल्याने त्यांनी तातडीने घटनेचे गांभीर्य ओळखून तातडीने वरिष्ठांना याची माहिती दिली.

पोलीस अधीक्षक संदीप घुगे यांनी तातडीएन सर्व महत्वाच्या ठिकाणांची तपासणी करण्याचे आदेश दिले.

त्यानुसार जिल्हा पोलीस कंट्रोल रूम, पोलीस अधीक्षक कार्यालय, सांगली आणि मिरज बस स्थानकात बॉम्ब डिटेक्शन पथकांकडून तपासणी करण्यात आली. मात्र, कोणतीही आक्षेपार्ह वस्तू मिळाली नाही. यानंतर सांगली शहर पोलीस ठाण्यात अदखलपात्र गुन्हा दाखल करण्यात आला. सदर कॉलच्या अनुशंघाने तांत्रिक माहितीच्या आधारे सहाय्यक पोलीस निरीक्षक नितीन सावंत यांच्या पथकाने तपास केला असता सदरचा फोन करणारा व्यक्ती मालगाव येथील तवटे मळ्याजवळ राहत असल्याची माहिती मिळाली.

यानंतर तातडीने तपासाची चक्रे फिरवून संशयित यमनाप्पा माडर याला ताब्यात घेऊन चौकशी केली असता त्याने सदरचा फोन हा दारूच्या नशेत केला असल्याचे निष्पन्न झाले. संशयित यमनाप्पा माडर याने यापूर्वी 2023 साली सुद्धा अशाच पद्धतीचा कॉल केला होता. त्यावेळी मिरज ग्रामीण पोलीस ठाण्यात गुन्हा दाखल असल्याचे पुढे आले. दरम्यान, कोणतेही खोटे फोन करून पोलिसांची दिशाभूल करण्याचा प्रयत्न केल्यास अशा व्यक्तींवर कायदेशीर कठोर कारवाई केली जाईल असा इशारा पोलीस अधीक्षक संदीप घुगे यांनी दिला आहे.

Author: Rajkiya Live

दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.