राजापूरच्या तलाठी सुजाता जाधव यांच्याविरोधात गुन्हा दाखल
sangli crime news : जमीन खरेदीची नोंद करण्यासाठी तलाठ्याने मागितले दोन हजार : तासगाव तालुक्यातील राजापूर येथील तलाठी सुजाता आण्णाप्पा जाधव यांनी जमिनीची नोंद घालण्यासाठी मंडल अधिकार्‍यांच्या नावावर व स्वतःसाठी 2 हजार रुपयांची लाच मागितली. याप्रकरणी त्यांच्या विरोधात तासगाव पोलीस ठाण्यात गुन्हा दाखल करण्यात आला आहे. राजापूर येथील एकाने याबाबत फिर्याद दिली आहे.
sangli crime news : जमीन खरेदीची नोंद करण्यासाठी तलाठ्याने मागितले दोन हजार
याबाबत माहिती अशी : राजापूर येथील एकाने जमीन खरेदी केली होती. त्याची नोंद सातबारावरती करण्यासाठी त्यांनी तलाठी सुजाता जाधव यांच्याकडे अर्ज केला होता. ही नोंद सातबारावर करण्यासाठी तलाठी यांनी तासगाव तहसील कार्यालयातील निवडणूक शाखेच्या बाहेर सुरुवातीला मंडल अधिकार्‍यांच्या नावाने 3 हजार रुपयांची लाच मागितली होती.
याप्रकरणी संबंधिताने लाचलुचपत प्रतिबंधक विभागाकडे तक्रार केली होती. या विभागाच्या अधिकार्‍यांनी दि. 11 फेब्रुवारी रोजी या लाच मागणीची खातरजमा केली. त्यावेळी तलाठी कदम यांनी तासगाव तहसील कार्यालयात तक्रारदाराकडून 3 हजार रुपयांची लाच मागितली. तडजोडीअंती 2 हजार रुपयेवर सौदा ठरला.
याप्रकरणी तलाठी सुजाता जाधव यांच्या विरोधात लाच मागितली म्हणून गुन्हा दाखल करण्यात आला आहे.
’त्या’ सर्कलचीही होणार चौकशी..!
राजापूरच्या तलाठी सुजाता जाधव यांनी मंडल अधिकार्‍यांच्या नावाखाली लाच मागितली होती. याप्रकरणी ’त्या’ सर्कलचीही आता लाचलुचपत प्रतिबंधक विभागाकडून चौकशी होणार आहे
Author: Rajkiya Live
दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.
