8 लाख 51 हजारांचा मुद्देमाल जप्त.
sangli crime news : जिल्ह्यात घरफोडी करणार्‍या सराईतांच्या आवळल्या मुसक्या : आठ गुन्हे उघडकीस, : शहरासह जिल्ह्यातील विविध भागात बंद घरे फोडून घरफोडी करणार्‍या सराईतांच्या टोळीतील तिघांना जेरबंद करण्यात पोलिसांना यश आले तर दोघेजण पसार झाले. स्थानिक गुन्हे अन्वेषण विभागाच्या पथकाने मालगाव रोड परिसरात सदरची कारवाई केली.
sangli crime news : जिल्ह्यात घरफोडी करणार्‍या सराईतांच्या आवळल्या मुसक्या : आठ गुन्हे उघडकीस,
दोघांकडून आठ घरफोडीचे गुन्हे उघडकीस आले असून त्यांच्याकडून सोन्याचांदीच्या दागिन्यांसह 8 लाख 51 हजार 510 रुपयांचा मुद्देमाल जप्त केला आहे. जितेंद्र उर्फ जिज्या महिमान काळे (वय 30 रा. सावळी), तायल उर्फ लेंग्या त्रिश्या काळे (वय 20 रा. शेखरवाडी फाटा, ऐतवडे बुद्रुक) अशी अटक केलेल्यांची नावे आहेत तर बारूद अजित पवार (रा. स्मशानभूमी, सावळी) आणि बाजीगर वर्धन काळे (रा. टाकळी) अशी पसार झालेल्यांची नावे आहेत.
सांगली आणि मिरज शहरात घरफोडीचे गुन्हे वाढल्याने पोलीस अधीक्षकांनी तातडीने कारवाई करण्याचे आदेश दिले होते.
स्थानिक गुन्हे अन्वेषण विभागाचे पोलीस निरीक्षक सतीश शिंदे यांनी घरफोडी करणार्‍या चोरट्यांचा शोध घेण्यासाठी पथके तैनात केली होती. पथकातील कर्मचारी संकेत मगदूम, इम्रान मुल्ला आणि शशिकांत जाधव यांना माहिती मिळाली कि, जितेंद्र पवार आणि तायल काळे हे दोघेजण घरफोडीतील चोरीचे दागिने विक्रीसाठी तासगाव फाटा, मालगाव फाटा येथे येणार आहेत. मिळालेल्या माहिती प्रमाणे पथकातील कर्मचार्‍यांनी त्याठिकाणी सापळा लावला असता दोघेजण मोटारसायकलवरून त्याठिकाणी आले.
यावेळी त्यांना ताब्यात घेऊन त्यांची तपासणी केली असता त्यांच्याजवळ सोन्याचांदीचे दागिने, 11 मोबाईल मिळाले.
या मुद्देमालाबाबत कसून चौकशी केली असता जितेंद्र काळे याने सांगितले कि, त्याच्या साथीदारांसोबत टाकळी येथील एका घरी, बेडग कॅनॉल जवळील एका घरात, सांगलीसातील शिवाजी स्टेडियम जवळील एका घरात, कुपवाड येथील एका घरी, भोसे येथील यल्लम्मा मंदिरात, टाकळी येथील जैन मंदिर जवळील घरासमोरून मोटारसायकल चोरल्याचे सांगितले. यावेळी दोघांकडून 7 लाख 5 हजार 505 रुपयांचे सोन्याचांदीचे दागिने, 1 लाख 6 हजारांचे 11 मोबाईल आणि एक दुचाकी असा 8 लाख 51 हजार 510 रुपयांचा मुद्देमाल जप्त करत पुढील तपासासाठी मिरज ग्रामीण पोलीस ठाण्याकडे सुपूर्त केला.
सदरची कारवाई पोलीस निरीक्षक सतीश शिंदे, अजित सिद, सहाय्यक निरीक्षक नितीन सावंत, रणजित तिप्पे, जयदीप कळेकर कर्मचारी अनिल ऐनापुरे, अमोल ऐदाळे, संकेत मगदूम, इम्रान मुल्ला, अतुल माने, गुंडोपंत दोरकर, अभिजित माळकर, हेमंत ओमासे, शशिकांत जाधव, करण परदेशी, अजय पाटील यांच्या पथकाने केली. दरम्यान, जितेंद्र उर्फ जिज्या काळे हा रेकॉर्डवरील गुन्हेगार असून तासगाव पोलीस ठाण्याकडे असणार्‍या दोन गुन्ह्यात तो फरार झाल्याची माहिती देखील पुढे आली.
Author: Rajkiya Live
दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.
