तरुणीचा केला गर्भपात : पोलिस कर्मचार्‍याविरुद्ध गुन्हा दाखल.
sangli crime news : लग्नाच्या आमिषाने पोलिसानेच केले तरुणीवर अत्याचार: लग्नाचे आमिष दाखवून पीडित तरुणीचे जबरदस्तीने शारीरिक संबंध ठेवले. तिची दिशाभूल करून तिचा गर्भपात केला. नंतर लग्नास नकार देऊन तिला जिवे मारण्याची धमकी दिल्याची धक्कादायक घटना समोर आली आहे. सदरची घटना हि फेब्रुवारी 2016 ते डिसेंबर 2022 या कालावधीत घडली. या प्रकरणी पीडीत तरुणीने सांगली शहर पोलीस ठाण्यात फिर्याद दिली. पीडितेच्या तक्रारीवरून शहर पोलिसांनी संशयित सोहेल इम्तियाज मुल्ला ( पोलीस शिपाई, रा. भालदार गल्ली, खणभाग, सांगली ) याच्याविरुद्ध गुन्हा दाखल केला आहे.
sangli crime news : लग्नाच्या आमिषाने पोलिसानेच केले तरुणीवर अत्याचार
याबाबत पोलिसांकडून मिळालेली माहिती अशी कि, पीडित तरुणी ही कोल्हापूर जिल्ह्यातील राहणारी आहे. संशयित सोहेल मुल्ला यांनी तिच्याशी ओळख वाढवली. तिला लग्नाचे आमिष दाखवले. फेब्रुवारी 2016 ते 31 डिसेंबर 2022 या दरम्यान सांगलीतील विविध हॉटेल्स, स्वतःच्या घरी आणि चारचाकी गाडीत जबरदस्तीने तिच्याशी शारीरिक संबंध ठेवले. ती गर्भवती असल्याचे समजताच संशयिताने तापाच्या गोळ्या असल्याचे सांगून तिला गर्भपाताचे औषध दिले.
या औषधामुळे तिचा एक महिन्याचा गर्भपात झाला. त्यानंतर त्याने तिला लग्नास नकार दिला. स्वतः आत्महत्या करण्याची, शारीरिक संबंधाचे फोटो व्हायरल करण्याची आणि जीवे मारण्याची त्याने तिला धमकी दिली. पीडित तरुणीने त्याला दिलेले 70 हजार रुपये परत मागितले असताना त्याने शिवीगाळ केली. याप्रकरणी पीडित तरुणीने गुरुवारी सांगली शहर पोलीस ठाण्यात सविस्तर फिर्याद दिली आहे. तिच्या फिर्यादीची दखल घेऊन पोलिसांनी संशयित सोहेल मुल्ला याच्याविरुद्ध गुन्हा दाखल केला आहे. पोलिसांनी दिलेल्या माहितीनुसार मुल्ला याच्याविरुद्ध यापूर्वीही विवाहितेचा जाचहाट केल्याचा गुन्हा दाखल आहे.
Author: Rajkiya Live
दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.
