ताट, वाटी, चमच्यांसह 1 लाख 24 हजारांचा मुद्देमाल लंपास.

sangli crime news : कसबेडिग्रज मधील हॉटेलमध्ये पुन्हा चोरट्यांचा डल्ला : : मिरज तालुक्यातील कसबेडिग्रज येथे असणार्‍या हॉटेल वैभव मध्ये चोरट्यांनी दुकानाचे कुलूप तोडून फ्रिज, पाणी, मोटार, ताटे, वाट्या, चमच्यांसह 1 लाख 42 हजार 500 रुपयांचा मुद्देमाल लंपास केला. सदर घरफोडीची घटना हि बुधवार दि. 25 डिसेंबर रोजी पहाटेच्या सुमारास घडली. या प्रकरणी शीतल बाळासो महिंद (वय 33 रा. कसबेडिग्रज) यांनी सांगली ग्रामीण पोलीस ठाण्यात फिर्याद दिली आहे.

sangli crime news : कसबेडिग्रज मधील हॉटेलमध्ये पुन्हा चोरट्यांचा डल्ला :

याबाबत अधिक माहिती अशी कि, शीतल महिंद हे आपल्या कुटुंबियांसह कसबेडिग्रज येथे राहत असून त्यांचे कॉलेज रोड बागनवाट येथे वैभव नावाने हॉटेल आहे. महिंद यांनी नेहमी प्रमाणे मंगळवारी रात्री साडे अकरा वाजण्याच्या सुमारास हॉटेल बंद करून घरी गेले होते. यावेळी अज्ञात चोरटयांनी बंद हॉटेलच्या दरवाजाचे कुलूप तोडून आत प्रवेश केला. हॉटेल मध्ये ठेवलेल फ्रिज, पाणी उपसण्याची मोटार, हॉटेल कामासाठी लागणारे वेगवेगळे मशीन, फॅन, एसी, ताट, वाटी, पातेली, चमचा ट्रे, झाकण, टप, प्लेटा, खुर्च्या यांसह अन्य साहित्य असा एकूण 1 लाख 42 हजार 500 रुपयांचा मुद्देमाल चोरून पलायन केले.

बुधवारी सकाळी साडे सात वाजण्याच्या सुमारास सदर घरफोडीची घटना निदर्शनास आली. यानंतर महिंद यांनी सांगली ग्रामीण पोलीस ठाण्यात फिर्याद दिली. त्यांच्या फिर्यादीवरून पोलिसांनी अज्ञात चोरट्यांविरोधात गुन्हा दाखल केला आहे. दरम्यान, घटनेचे गांभीर्य ओळखून सहाय्यक पोलीस अधीक्षक विमला एम यांनी घटनास्थळी भेट देऊन तपासाच्या सूचना दिल्या.

Author: Rajkiya Live

दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.