sangli crime news : बनावट नोटा प्रकरणी दोघांना चार वर्षांच्या सक्तमजुरीची शिक्षा : सांगली : बनावट नोटा चलनात खपवणार्‍या दोघांना न्यायालयाने दोषी धरून साडे चार वर्षांच्या सक्तमजुरीची शिक्षा सुनावली. विजय बाळासाहेब कोळी (वय 37 रा. रेठरेधरण सध्या कुपवाड) आणि शरद बापू हेगडे (वय 38 रा. रामरहीम कॉलनी, संजयनगर) अशी शिक्षा झालेल्यांची नावे आहेत. स्थानिक गुन्हे अन्वेषणच्या पथकाने संशयिताना 2021 साली अटक केली होती. तदर्थ सहा. सत्र न्यायाधीश श्रीमती एम. एस. काकडे यांनी सदरची शिक्षा सुनावली. या प्रकरणी अतिरिक्त जिल्हा सरकारी वकील विनायक देशपांडे यांनी काम पाहिले.

sangli crime news : बनावट नोटा प्रकरणी दोघांना चार वर्षांच्या सक्तमजुरीची शिक्षा

याबाबत अधिक माहिती अशी कि, स्थानिक गुन्हे अन्वेषणचे तत्कालीन सहाय्यक पोलीस निरीक्षक रविराज फडणीस यांना आरोपी विजय कोळी आणि त्याचा साथीदार शरद हेगडे हे बनावट नोटा खपवण्यासाठी कुपवाड येथील दत्तनगर येथे थांबल्याची माहिती मिळाली होती. यानंतर तातडीने त्याठिकाणी सापळा रचून दोघांना ताब्यात घेतले होते. त्यांची तपासणी केली असता त्यांच्याजवळ दोन हजार आणि दोनशे रुपयांच्या 40 बनावट नोटा मिळाल्या.

त्या पुढील तपासणीसाठी नाशिक येथिक सरकारी मुद्रणालयकडे पाठवण्यात आल्या होत्या. तेथील अधिकार्‍यांनी सदरच्या नोटा या बनावट असल्याचा अभिप्राय दिला. या प्रकरणी पोलीस कर्मचारी मच्छिन्द्र बर्डे यांनी कुपवाड एमआयडीसी पोलिसात फिर्याद दिली होती. सदरची कारवाई हि 2021 साली करण्यात आली होती. या प्रकरणी उपनिरीक्षक अन्नछत्रे यांनी पुढील तपास करून न्यायालयात दोषारोप सादर केले. या प्रकरणी एकूण नऊ साक्षीदार तपासण्यात आले. यातील दोन पंच फितूर झाले.

तरीही नाशिक मुद्रणालय येथील तज्ञ् रोहित बापट आणि पोलीस साक्षीदार यांच्या तोंडी आणि लेखी कागदपत्रांच्या आधारे विजय कोळी आणि शरद हेगडे यांना साडे चार वर्षांच्या सक्तमजुरीची शिक्षा सुनावली तसेच अन्य एका साथीदाराची सबळ पुराव्या अभावी निर्दोष मुक्तता करण्यात आली.

Author: Rajkiya Live

दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.