sangli crime news :सांगलीतील खून प्रकरणी तरुणास आजन्म कारावासाची शिक्षा : उसने पैसे परत मागितल्याच्या रागातून केला होता खून. ” सांगली : शहरातील एका परिसरात राहणार्‍या व्यक्तीचा उसने घेतलेले दोन लाख रुपये परत मागितल्याचा रागातून खून करणार्‍या तरुणास आजन्म कारावासाची शिक्षा आज न्यायालयाने सुनावली. सरफराज ताजुद्दीन निपाणी (वय 31 रा. साई सदन अपार्टमेंट, विश्रामबाग) असे शिक्षा झालेल्या तरुणाचे नाव आहे. प्रधान जिल्हा व सत्र न्यायाधीश श्री पी. के. शर्मा यांनी सदरची शिक्षा सुनावली. निपाणी याने कोयता आणि लोखंडी गजाने वार करून प्रशांत सूर्यकांत पाटील यांचा खून केला होता. सदरची घटना हि दि. 06 जून 2018 रोजी सकाळी दहा वाजण्याच्या सुमारास घडली होती.

sangli crime news :सांगलीतील खून प्रकरणी तरुणास आजन्म कारावासाची शिक्षा : उसने पैसे परत मागितल्याच्या रागातून केला होता खून.

याबाबत अधिक माहिती अशी कि, संशयित सरफराज निपाणी हा शंभर फुटी रस्त्यावरील साईसदन अपार्टमेंट येथे राहत होता. सन 2017 साली मयत प्रशांत सूर्यकांत पाटील यांच्याकडून संशयित सरफराज याने 2 लाख रुपये उसने घेतले होते. संशयित सरफराज निपाणी याने उसने घेतलेले 2 लाख परत देण्याचे आश्वासन पाटील यांना दिले होते. परंतु वारंवार मागणी करुन देखील संशयित निपाणी याने पैसे परत दिले नाहीत.

दरम्यान दि. 6 डिसेंबर 2018 रोजी संशयित सरफराज निपाणी याने प्रशांत पाटील यांच्या घरी जावून, मी सांगली सोडून मूळ गावी जत येथे जाणार असल्याचे सांगितले. त्यामुळे प्रशांत पाटील हे पत्नीसह दि. 6 रोजी सकाळी 10 वाजण्याच्या सुमारास संशयिताच्या घरी गेले आणि त्याच्याकडे उसने दिलेले 2 लाखाची मागणी केली. यावरुन संशयित सरफराज निपाणी आणि प्रशांत पाटील यांच्यावर वादावादी झाली.ऊसने पैसे मागितल्यामुळे चिडलेल्या संशयित सरफराज याने घरातील लोखंडी गज आणि कोयता घेवून प्रशांत पाटील यांच्या डोक्यात हत्याराने वार केले.

यामध्ये प्रशांत पाटील हे गंभीर जखमी झाले. भांडण सोडविण्यास प्रशांत यांच्या पत्नी मध्ये पडल्या असत्या संशयित सरफराज याने त्यांना धमकावले. गंभीर दुखापत झाल्याने प्रशांत यांना तातडीने शासकीय रुग्णालयात दाखल करण्यात आले परंतु तेथील वैद्यकीय अधिकार्‍यांनी त्यांना मृत घोषित केले. याबाबत प्रशांत यांच्या पत्नी राजलक्ष्मी पाटील यांनी विश्रामबाग पोलीस ठाण्यात फिर्याद दाखल केली. पोलिसांनी संशयित प्रशांत पाटील याच्यावर खूनाचा गुन्हा दाखल केला.

सदर खटला सुनावणीस आला असता सरकारपक्षातर्फे एकूण सहा साक्षीदार तपासण्यात आले. यामध्ये राजलक्ष्मी पाटील यांची प्रत्यक्षदर्शी साक्षीदार म्हणून साक्ष महत्वाची ठरली. न्यायालयापुढे आलेल्या साक्षी आणि पुरावे ग्राह्य धरुन न्यायमूर्तीनी आजीवन सश्रम कारावास आणि 5 हजार रुपये दंड आणि दंड न भरल्यास 2 महिने कारावासाची शिक्षा ठोठावली. सदरकामी पैरवी कक्षातील पोलीस उपनिरिक्षक अशोक तुराई, पोलीस कर्मचारी वंदना मिसाळ, सनी मोहिते यांनी मदत केली.

Author: Rajkiya Live

दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.