23 फेबु्रवारीला मतदान
sangli kavthemankhal news : महांकाली साखर कारखान्याची निवडणूक जाहीर: कवठेमहांकाळ (प्रतिनिधी):- कवठेमहांकाळ येथील श्री महांकाली सहकारी साखर कारखान्याची पंचवार्षिक निवडणूक जाहीर झाली आहे.सन 2024-25 ते 2029-30 या कालावधीच्या निवडणूक प्रक्रियेस सुरवात झाली असून दि.23 फेब्रुवारी रोजी मतदान होणार आहे.
sangli kavthemankhal news : महांकाली साखर कारखान्याची निवडणूक जाहीर
निवडणूक निर्णय अधिकारी तथा जिल्हाधिकारी डॉ.राजा दयानिधी, सहाय्यक निवडणूक निर्णय अधिकारी तथा विशेष लेखा परीक्षक सांगली शीतल चोथे व सहाय्यक निवडणूक निर्णय अधिकारी तथा सहाय्यक निबंधक सहकारी संस्था कवठे महांकाळ बिपीन मोहिते यांनी सर्व सभासदा करीता नोटीस प्रसिद्ध करुन संचालक मंडळ निवडणूक कार्यक्रम जाहीर केला आहे.
दि.27 जानेवारी प्रारूप यादी प्रसिद्ध करणे,28 जानेवारी ते 2 फेब्रुवारी हरकत घेणे,दि.6 फेब्रुवारी अंतिम मतदार यादी प्रसिद्ध करणे, नामनिर्देशन पत्र विक्री व स्विकृती दि.7 फेब्रुवारी ते 11 फेब्रुवारी, नामनिर्देशन यादी प्रसिद्ध दि. 11 फेब्रुवारी, अर्ज छाननी दि. 14 फेब्रुवारी , अर्ज माघार घेणे दि.17 फेब्रुवारी , अंतिम यादी प्रसिद्ध दि.17 फेब्रुवारी, मतदार दि. 23 फेब्रुवारी रोजी सकाळी 8 ते 4 या वेळेत होणार आहे.तर दि.25 रोजी मतमोजणी असा निवडणूक कार्यक्रम जाहीर केला आहे.
निवडणुकीचे सर्व कामकाज विशेष लेखा परीक्षक वर्ग-1 सहकारी संस्थां ( साखर) मध्यवर्ती प्रशासकीय इमारत, दुसरा मजला, मिरज मार्ग,विजयनगर,सांगली या कार्यालयातून चालणार आहे.सांगली जिल्ह्या तील कवठेमहांकाळ तालुका व बेळगांव जिल्ह्यातील अथणी तालुका कारखान्याचे कार्यक्षेत्र आहे. सर्व साधारण-13 जागा, अनुसूचित जाती जमाती -1 जागा, महिला – 2 जागा व ब वर्ग बिगर उत्पादक संस्था -1 जागा अशा संचालक मंडळाच्या एकूण- 17 जागा साठी निवडणूक होणार आहे.
Author: Rajkiya Live
दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.
