rajkiyalive

sangli news : हातनूर येथे वटवाघळांचा द्राक्षबागेत हल्ला एक एकरातील द्राक्षाचा पाडला फडशा, दहा ते बारा लाखाचे नुकसान

sangli news : हातनूर येथे वटवाघळांचा द्राक्षबागेत हल्ला एक एकरातील द्राक्षाचा पाडला फडशा, दहा ते बारा लाखाचे नुकसान : तालुक्यातील हातनूर येथील द्राक्ष बागायतदार दादासाहेब पाटील यांच्या द्राक्ष बागेत सोमवारी वटवाघळांच्या कळपाने हल्ला केला. यात त्यांच्या एक एकर सुपर सोनाका द्राक्षाचे मोठे नुकसान केले आहे. द्राक्षबाग चार दिवसावर विक्रीस आली होती. सकाळी हा प्रकार पाहताच त्यांना धक्का बसला असून त्यांचे दहा ते बारा लाखांचे नुकसान झाले आहे. माहिती मिळताच तलाठी पतंग माने व कृषी विभागाने त्याचा तात्काळ पंचनामा केला आहे.

sangli news : हातनूर येथे वटवाघळांचा द्राक्षबागेत हल्ला एक एकरातील द्राक्षाचा पाडला फडशा, दहा ते बारा लाखाचे नुकसान

मिळालेल्या माहितीनुसार दादासाहेब पाटील यांनी प्लास्टिक आच्छादनाच्या साहाय्याने भर पावसाळ्यातच द्राक्ष बागेची छाटणी घेतली होती. पाऊस व इतर रोगांचा सामना करत त्यांनी द्राक्ष वाचवली होती. यंदा पैसे चांगले होणार असा त्यांना विश्वास होता. दोन-चार दिवसात त्यांची द्राक्ष बाग कापण्यासाठी तयार होती. मात्र सोमवारी रात्री वटवाघळांच्या कळपाने द्राक्ष बागेवर हल्ला केला. या हल्ल्यात त्यांच्या द्राक्षाचे मोठे नुकसान झाले आहे.

पाटील हे सोमवारी सकाळी शेतात गेले असता द्राक्ष बागेची झालेली अवस्था बघून त्यांना धक्का बसला. या घटनेत त्यांचे दहा ते बारा लाखाचे प्रथम दर्शनी नुकसान झाल्याचे उपस्थित सांगतात. महागडी खते, औषधे यांसह विविध खर्च करून पिकवलेली बाग रात्रीत उध्वस्त झाल्याचे बघून त्यांचे डोळे पाणावले.

माहिती मिळताच तालुका कृषी अधिकारी अनिल फोंडे, सर्कल निलेश भांबोरे,तलाठी पतंग माने यांनी याचा पंचनामा केला.

Rajkiya Live
Author: Rajkiya Live

दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.

यह भी पढ़ें

टॉप स्टोरीज