sangli news : दह्यारीत ट्रॅक्टर ओढ्यात पडून शेतकर्‍याचा मृत्यू: दह्यारी ( ता.पलूस ) येथील शेतकरी दिपक श्रीरंग पाटील ( वय 41 ) हे औषध फवारणी ट्रँक्टर घेऊन येत असताना, अज्ञात वाहनास बाजू देत असताना ट्रँक्टर रस्त्याच्या बाजूला असणार्‍या ओढ्यात पलटी झाला. त्यामध्ये दिपक पाटील यांचा दुर्दैवी मृत्यू झाला.
sangli news : दह्यारीत ट्रॅक्टर ओढ्यात पडून शेतकर्‍याचा मृत्यू
सोमवारी ( ता.27 ) रोजी सायंकाळी 4 वाजण्याच्या सुमारास दिपक पाटील हे आपल्या दह्यारी येथील शेतात औषध फवारणी करुन, सदर औषध फवारणी करणारा ट्रँक्टर घेऊन शेतातून बाहेर पडले. त्यावेळी कृष्णा कँनाँल दह्यारी ते जुने घोगाव या रस्त्यावरून येत असताना, एका अज्ञात वाहनास बाजू देत असताना दिपक पाटील यांच्यासह ट्रँक्टर रस्त्याच्या बाजूला असणार्‍या ओढ्यात पलटी झाला.
पाटील हे ट्रँक्टर खाली सापडले. तसेच ओढ्यात पाणी होते. बराच वेळ ते ट्रँक्टर खाली होते. काही कालावधीनंतर आसपासच्या शेतकर्‍यांनी व नागरिकांनी सदर प्रकार बघीतलेनंतर पाटील यांना ओढ्यातून व ट्रँक्टर खालून बाहेर काढले. त्यांना तातडीने उपचारासाठी इस्लामपूर येथील रुग्णालयात नेण्यात आले. मात्र, त्याठिकाणी डॉक्टरांनी मृत घोषित केले.
दिपक पाटील हे दह्यारी येथील एक तरुण व कष्टाळू शेतकरी ( द्राक्षबागायतदार ) होते. त्यांच्या मागे आई, पत्नी, मुलगा, मुलगी, भाऊ असा परिवार आहे. दिपक पाटील या तरुण शेतकर्‍याच्या दुर्दैवी अपघाती मृत्यूमुळे दह्यारी परिसरात हळहळ व्यक्त होत आहे.
Author: Rajkiya Live
दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.
