sangli news : सांगलीत हळदीला विक्रमी 30 हजाराचा भाव : सांगली कृषी उत्पन्न बाजार समितीच्या आवारात बुधवारी काढण्यात आलेल्या हळदीला रेकॉर्डब्रेक क्विंटलला 30 हजाराचा भाव मिळाला. सदाशिव मल्लाप्पा शिनदोळी (रा. गुरलापूर जिल्हा बेळगाव) या शेतकर्‍याची हळद विक्रमी दराने खरेदी केली. दरम्यान विक्रमी दर मिळालेल्या हळद व्यापार्‍याचा बाजार समिती सभापती सुजय शिंदे यांच्याहस्ते सत्कार करण्यात आला.

sangli news : सांगलीत हळदीला विक्रमी 30 हजाराचा भाव

मागील महिन्यापासून हळदीचा नवीन हंगाम सुरु झाला आहे. यार्डात आठवडयातून तीन ते चार वेळा खुल्या पध्दतीने सौदे काढण्यात येत आहेत. हंगामाची सुरुवात असल्याने आणि पीक कमी असल्याचा अंदाज आल्याने नवीन हळदीला चांगला भाव मिळत आहे. मुहूर्ताच्या सौदयात 26 हजार इतका क्विंटलला भाव मिळाला होता. यामध्ये वाढच होत असून बुधवारी काढण्यात आलेल्या सौदयात हळदीच्या दराने विक्रम केला.

बाजार समितीच्या इतिहासामध्ये प्रथमच राजापूरी हळदीला क्विंटलला 30 हजार इतका भाव मिळाला. यार्डातील बंडा बाळा फराटे या अडत दुकानात झालेल्या हळद सौदयात सदाशिव मल्लाप्पा अया शेतकर्‍याची हळद यार्डातील व्यापारी यु, के. खिमजी अँड कंपनी या व्यापार्‍यांनी विक्रमी दराने ही हळद खरेदी केली. चालूवर्षी हळद उत्पादन क्षेत्रात अतिवृष्टीसह अन्य कारणांमुळे पीक कमी आहे. उत्पादनही कमी येणार असल्याने हळदीला चांगला भाव मिळत आहे,

sangli-news-the-price-of-turmeric-in-sangli-is-a-record-30-thousand

बाजारात सध्या सरासरी 12 ते 15 हजार इतका भाव मिळत आहे. या दरात वाढ होण्याचा व्यापार्‍यांचा अंदाज आहे. त्यामुळे शेतकर्‍यांनी जास्तीत जास्त हळद विक्रीस आणावा असे आवाहन बाजार समितीचे सभापती सुजय शिंदे यांनी केले. यावेळी संचालक रमेश पाटील, संग्राम पाटील, काडाप्या वारद, सचिव महेश चव्हाण आदी उपस्थित होते.

फोटो ओळी ः कर्नाटकातील शेतकरी सदाशिव शिनदोळी यांच्या हळदीला विक्रमी दर मिळाल्याबद्दल सत्कार करताना सभापती सुजय शिंदे, संग्राम पाटील, काडाप्पा वारद, सचिव महेश चव्हाण आदी.

Author: Rajkiya Live

दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.