साखर कारखाने, विकास सोसायट्यांचा समावेश

sangli news : वसंतदादा, सर्वोदय कारखान्याची लवकरच निवडणूक, यंदा जिल्ह्यातील 405 सहकारी संस्थांचे बिगुल. : विधानसभा निवडणुकीमुळे जिल्ह्यातील सहकारी संस्थांच्या निवडणुकांना राज्य शासनाने 31 डिसेंबर 2024 पर्यंत स्थगिती दिली होती. ही मुदत संपल्याने 6 जानेवारी 2025 पासून सहकारी संस्थांची निवडणूक प्रक्रिया सुरु करण्याचे आदेश राज्य सहकारी निवडणूक प्राधिकरणाने दिले आहे.

sangli news : वसंतदादा, सर्वोदय कारखान्याची लवकरच निवडणूक, यंदा जिल्ह्यातील 405 सहकारी संस्थांचे बिगुल. 

त्यानुसार सहकारी संस्थांच्या निवडणुकांचा मार्ग मोकळा झाला. यंदा जिल्ह्यातील 405 सहकारी संस्थांचे बिगुल वाजणार असून साखर कारखाने, विकास सोसायट्यांचा समावेश आहे.

राज्यातील सहकारी संस्थांची निवडणूक प्रक्रिया विधानसभा निवडणूकीमुळे 31 डिसेंबर 2024 पर्यंत स्थगीत ठेवण्याचे आदेश राज्य शासनाने दिले होते. त्यानुसार निवडणूक प्राधिकरणानेही निवडणूक प्रक्रिया सुरु असलेल्या संस्थांची निवडणूक तसेच निवडणूकीसाठी 31 डिसेंबर 2024 पर्यंत पात्र होणार्‍या सहकारी संस्थांची निवडणूक प्रक्रिया ज्या टप्यावर आहे, त्या टप्यावर स्थगित ठेवण्याचे आदेश दिले होते. यातून 250 पेक्षा कमी सभासद असणार्‍या व हौसिंग सोसायट्यांच्या निवडणुकांना वगळ्यात आले होते.

मुदत संपलेल्या व संपत आलेल्या संस्थांची निवडणूक प्रक्रिया सुरु करण्याचे आदेश सहकार विभागाला दिले आहे.

स्थगितीची 31 डिसेंबरची मुदत संपल्याने व शासनाने स्थगितीबाबत पुढील आदेश न दिल्याने राज्य सहकारी निवडणूक प्राधिकरणाने सहकारी संस्थांच्या निवडणुका ज्या टप्यावर स्थगित करण्यात आल्या होत्या, तेथून पुढे तसेच नव्याने मुदत संपलेल्या व संपत आलेल्या संस्थांची निवडणूक प्रक्रिया सुरु करण्याचे आदेश सहकार विभागाला दिले आहे. 6 जानेवारी 2025 पासून ही प्रक्रिया सुरु हाणार आहे. निवडणूक प्रक्रिया सुरु होणार्‍या सहकारी संस्थांमध्ये जिल्ह्यातील 405 संस्थांचा समावेश आहे. यात अ’ वर्गातील तीन, ’ब’ वर्गातील 38 व क वर्गातील 365 संस्था आहेत.

अ वर्गतील तीन संस्थांमध्ये वसंतदादा, सर्वोदय साखर व सोनी (ता. मिरज) येथील शेतकरी सहकारी साखर कारखान्यांचा समावेश आहे. यातील वसंतदादा व सर्वोदय साखर कारखान्याची निवडणूक महत्वपूर्ण आहे. या कारखान्यांची निवडणूक प्रक्रिया महिन्यात सुरु होणार आहे. प्रारुप मतदार यादी, नंतर अंतिम मतदार यादी व त्यानंतर प्रत्यक्ष निवडणूक कार्यक्रम जाहीर होणार असून येत्या दोन महिन्यात ही प्रक्रिया पूर्ण होवून मार्चमध्ये निवडणूक होण्याची शक्यता आहे.

Author: Rajkiya Live

दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.