29 रोजी भरणार अर्ज, तासगाव-कवठेमहांकाळमधून रिंगणात
जनप्रवास तासगाव:
sanjaykaka ncp news : संजयकाकांचा भाजपला रामराम हातात घड्याळ : राज्यासह तासगाव- कवठेमहांकाळ विधानसभा निवडणुकीत यावेळी मोठी राजकीय घडामोडी झाली आहे. माजी खासदार संजयकाका पाटील यांनी भाजपला रामराम करत राष्ट्रवादीचे घड्याळ हाती बांधले आहे. बुधवारी उपमुख्यमंत्री अजित पवार यांच्या उपस्थितीत निवडणुकीच्या आखाड्यात उतरण्याचा निर्णय जाहीर केला. नाट्यमय घडामोडी घडत माजी राज्यमंत्री अजितराव घोरपडे यांनीही संजयकाका यांना साथ देण्याची भूमिका घेतल्याने अनेकांच्या भुवया उंचावल्या आहेत.29 ऑक्टोंबर रोजी संजयकाका अर्ज भरणार आहेत.
sanjaykaka ncp news : संजयकाकांचा भाजपला रामराम हातात घड्याळ
तासगाव कवठे महांकाळ विधानसभा मतदारसंघ महायुतीत कोणत्या पक्षाला जाणार? आणि उमेदवार कोण असणार? याबाबत सातत्याने चर्चा होत होती. या चर्चेवर बुधवारी मुंबईत पडदा पडला. हा मतदारसंघ अजित पवार गटाच्या वाट्याला जाणार असल्याचे शिक्कामोर्तब झाल्यानंतर लोकसभा निवडणुकीत पराभव पत्करावा
लागलेले भाजपचे संजयकाका पाटील यांनी विधानसभेच्या आखाड्यात उतरविण्याचा निर्णय झाला. संजयकाका यांनी भाजपला रामराम करत हाती घड्याळ बांधले. अजित पवार यांची संजयकाका आणि घोरपडे यांनी एकत्रित भेट घेत संजय काकांना उमेदवारीचा निर्णय जाहीर झाला. यावेळी तिसर्‍या आघाडीचे स्वप्निल पाटील व पांडुरंग पाटील यांच्यासह घोरपडे समर्थक उपस्थित होते.
होणार कांटे की टक्कर:
उपमुख्यमंत्री अजित पवार यांच्या उपस्थितीत संजयकाका पाटील विधानसभा निवडणुकीसाठी 29 ऑक्टोबरला अर्ज दाखल करणार आहेत. दिवंगत आर. आर. पाटील यांच्या पत्नी सुमनताई पाटील या येथील विद्यमान आमदार आहेत. त्यांनी निवडणूक न लढण्याचा निर्णय जाहीर केल्याने त्यांचे पुत्र रोहित पाटील यांची उमेदवारी शरद पवार गटाकडून नक्की मानली जात आहे. तसे झाल्यास संजयकाका विरुद्ध रोहित पाटील अशी ’कांटे की टक्कर’ येथे होईल.
Author: Rajkiya Live
दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.
