shirol crime news : दत्तवाडमध्ये दुचाकीस्वाराचा खड्यात पडून मृत्यू : शिरोळ तालुक्यातील दत्तवाड-घोसरवाड मार्गावर शुक्रवारी रात्री दुचाकीस्वार रस्त्याकडेच्या खड्ड्यात पडून जागीच ठार झाल्याची हृदयद्रावक घटना घडली. रोहित राजू सावळे (वय 33, रा. खिद्रापूर,ता.शिरोळ) असे ठार झालेल्या युवकाचे नाव आहे.

shirol crime news : दत्तवाडमध्ये दुचाकीस्वाराचा खड्यात पडून मृत्यू

रोहित सावळे हा बेंगळुरू येथे नोकरीस होता.तो आठ दिवसांपूर्वी खिद्रापूर गावी आला होता.कर्नाटक राज्यातील बोरगाव येथे बहिणीला भेटण्यासाठी गेला होता. शुक्रवारी रात्री बहिणीच्या घरी जेवण करून आपली दुचाकी-क्र (के ए.23 ई एच 7156)वरून खिद्रापूरला परत येत असताना दत्तवाड-घोसरवाड मार्गावरील खोंबारे मळा या ठिकाणी रस्त्याचा अंदाज न आल्याने त्यांची दुचाकी रस्त्याकडील खड्ड्यात कोसळली. गाडी खड्ड्यात असलेल्या दगडावर आदळल्याने रोहित दूर फेकला गेला त्यांच्या डोक्याला गंभीर दुखापत झाल्याने तो जागीच ठार झाला.

हा अपघात रात्रभर कोणाच्याही निदर्शनास आला नाही ही घटना पहाटे फिरायला गेलेल्या नागरिकांच्या निदर्शनास आली.

त्यांनी तातडीने घोसरवाडचे पोलीस पाटील यांना माहिती दिली. त्यानंतर कुरुंदवाड पोलीस ठाण्याचे सहाय्याक पोलीस निरीक्षक रविराज फडणीस यांनी तात्काळ अपघातस्थळी धाव घेऊन पंचनामा करून मृतदेह शवविच्छेदनासाठी कुरुंदवाड प्राथमिक आरोग्य केंद्रात पाठवला.दुपारी खिद्रापूर येथे मृतदेहावर अंत्यसंस्कार करण्यात आले.

shirol-crime-news-biker-dies-after-falling-into-a-ditch-in-dattawad

खिद्रापूर येथील मंगल दिलीप रायनाडे या महिलेचाही दोन वर्षांपूर्वी खड्ड्यात पडून अपघाती मृत्यू झाला होता.तर आता रोहित सावळे हा खड्ड्यात पडून ठार झाला.खड्डे अपघातात ही दुसरी घटना घडल्याने खिद्रापूर परिसरात हळहळ व्यक्त होत आहे.

Author: Rajkiya Live

दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.