wangi accident news :वांगी येथे स्विफ्ट व ओम्नी कारची धडक : पती-पत्नी चा जागीच मृत्यू  : वांगी (ता.कडेगांव) येथील वाल्मीक नगर येथे जुना सांगली-सातारा रस्त्यावर दोन चारचाकी मध्ये झालेल्या भीषण धडकेत पती-पत्नी जागीच ठार झाले. विकास भिकू मोहिते (वय 42 वर्षे) व पुष्पा विकास मोहिते (वय-38वर्षे), रा. राममंदिराजवळ खटाव, जि.सातारा) अशी मृतांची नावे आहेत. तर इतर 5 जण गंभीर जखमी झाले आहेत. काल, गुरुवारी (दि.20) रात्री पावणेबाराच्या सुमारास हा अपघात झाला.

wangi accident news :वांगी येथे स्विफ्ट व ओम्नी कारची धडक : पती-पत्नी चा जागीच मृत्यू

चिंचणी (वांगी) पोलिसांकडून मिळालेली माहिती अशी की, विकास भिकू मोहिते हे आपल्या ओम्नी चारचाकी क्रमांक (एमएच-42-ए एच-1047) मधून काल, गुरुवारी तोरसे कुटूंबातील एक मुलगी ताकारी येथे शिक्षण घेत असून तीच्या स्नेहसंमेलनाला गेले होते. ते आटोपल्यानंतर जेवण उरकून रात्री 11.45 च्या दरम्यान पत्नी व भाडेकरूसह वांगीवरुन गावी खटावकडे चालले होते.

जमीर ईलाही आवटी (रा. महाबळेश्वर जि. सातारा) हा महाबळेश्वरकडुन कडेपुर-वांगी मार्गे सांगलीला चारचाकी (स्वीप्ट) क्रमांक (एमएच-11-डीबी-5797) निघाले होते. वाल्मिकी नगर-वांगी येथे जमीर आवटी याने भरधाव वेगात समोरून येणार्‍या चारचाकीला (ओम्नी) जोराची धडक दिली.

या भीषण धडकेत विकास मोहिते व पत्नी पुष्पा मोहिते हे जागीच ठार झाले. तर त्याच चारचाकीतील ऋतुजा रोहित तोरसे (वय-36 वर्षे), विजया प्रकाश तोरसे(वय-65 वर्षे), आरोही रोहीत तोरसे (वय-11 वर्षे), आर्या अरुण तोरसे(वय-15 वर्षे )हे गंभीर जखमी झाले आहेत. चालक जमीर इलाई आवटी हा ही जखमी झाला आहे.

Author: Rajkiya Live

दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.