JAYANT PATIL NEWS : सत्ताधार्‍यांच्या पंधराशे रुपयांना आमच्या भगिनी फसणार नाहीत : सुस्मिता जाधव: आमच्या भगिनींना लाडक्या बहिणीचे पंधराशे रुपये दिले, म्हणजे त्या फसतील, हा सत्ताधार्‍यांचा भ्रम आहे. या राज्यात आमच्या माता-भगिनी,मुली सुरक्षित आहेत का? तुम्ही महिलांची सुरक्षितता, तिचे आरोग्य, शिक्षण व रोजगारासाठी काय केले? असा सवाल महिला राष्ट्रवादी काँग्रेस शरदचंद्र पवार पक्षाच्या जिल्हाध्यक्ष सुस्मिता जाधव यांनी प्रचार दौर्‍यात केला. वाढत्या महागाईची सर्वात मोठी झळ आमच्या भगिनींना बसत असल्याने त्या भाजपा सरकारला त्यांची जागा दाखवून देतील, असा विश्वासही त्यांनी व्यक्त केला.
JAYANT PATIL NEWS : सत्ताधार्‍यांच्या पंधराशे रुपयांना आमच्या भगिनी फसणार नाहीत : सुस्मिता जाधव
इस्लामपूर विधानसभा मतदारसंघातील महाविकास आघाडीचे उमेदवार, आ.जयंतराव पाटील यांच्या प्रचारार्थ मतदारसंघातील गावोगावी महिलांशी संवाद साधला. आ.जयंतराव पाटील यांच्या तुतारी वाजविणारा माणूस या चिन्हावर मतदान करण्याचे आवाहन केले. वाळवा, बोरगाव, ताकारी, रेठरेहरणाक्ष, कि.म.गड, येडेमच्छिंद्र, भवानीनगर, बहे, नवेखेड, जुनेखेड, मसूचीवाडी, बेरडमाची, लवणमाची, पडवळवाडी, शिरगाव गावांचा प्रचार दौरा केला आहे.
सुस्मिता जाधव म्हणाल्या, भाजपा युतीला लोकसभेला मताची कडकी झाली, म्हणून त्यांना बहीण झाली लाडकी. त्यांनी महिलांना पंधराशे रुपये दिले आणि तेलाचा डबा सोळाशेवरून बावीशे केला. डाळी, गॅस आणि स्टॅम्प, भाजीपालाचे दर वाढविले. त्यांनी सत्ता आणि स्वार्थासाठी अभद्र युती करून सरकार बनविले आहे. हे सरकार सर्व आघाड्यावर अपयशी ठरले आहे.
शरदचंद्र पवारसाहेबांनी महिलांना सत्ता व संपत्तीमध्ये कायमस्वरूपी वाटा दिला आहे. महिलांचा सन्मान करण्याची आमची संस्कृती आहे. आ.जयंतराव पाटील हे उच्चशिक्षित, सुसंस्कृत, निष्ठावान, अभ्यासू आणि कर्तृत्ववान नेते आहेत. संचालिका डॉ.योजना शिंदे पाटील, अलका माने, वैशाली पाटील, रुपाली सपाटे, विजया पोळ, सुषमा कांबळे, जयश्री कदम, येडेमच्छिंद्रच्या सरपंच वंदना सोनावले, सायली गोंदील, सविता पाटील, सुरेखा वाटेगावकर, रेठरेहरणाक्षच्या सरपंच शुभांगी बिरमुळे, कल्पना कोळेकर, मसूचीवाडीच्या सरपंच राधिका पाटोळे, शीतल पाटील, हर्षदा कदम, मनिषा पवार, वनिता मोहिते, शामल सावंत, वैशाली मंडले यांच्यासह महिला राष्ट्रवादी काँग्रेसच्या पदाधिकारी, कार्यकर्त्या व महिला गृहिणी दौर्‍यात सहभागी झाल्या होत्या.
Author: Rajkiya Live
दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.
