kavtepiran news : कवठेपिरानमध्ये भरधाव दुचाकीच्या धडकेत गंभीर जखमी झालेल्या वृद्धाचा मृत्यू : भरधाव वेगाने जाणार्‍या दुचाकीने पाठीमागून धडक दिल्याने झालेल्या अपघातात गंभीर जखमी झालेल्या वृध्दाचा उपचारादरम्यान मृत्यू झाला. हा अपघात शुक्रवार दि. 9 रोजी सायंकाळी 7.30 च्या सुमारास कवठेपिरान गावातील हिंद केसरी माने प्रवेश कमानीनजीक असणार्‍या श्रीकांत देसाई यांच्या घरासमोरील रस्त्यावर झाला.
kavtepiran news : कवठेपिरानमध्ये भरधाव दुचाकीच्या धडकेत गंभीर जखमी झालेल्या वृद्धाचा मृत्यू
तुकाराम गणपती कुंभार (वय 76, रा. कवठेपिरान, ता. मिरज ) असे मयताचे नाव आहे. या प्रकरणी सांगली ग्रामीण पोलीस ठाण्यात प्रशांत तुकाराम कुंभार (रा. कुंभार गल्ली, कवठेपिरान) यांनी फिर्याद दिली आहे.
याबाबत अधिक माहिती अशी, फिर्यादी प्रशांत यांचे वडिल तुकाराम कुंभार हे आपल्या कुटुंबियांसह मिरज टाकुम्यातील कवठेपिरान गावामध्ये राहत होते. शुक्रवारी सायंकाळच्या सुमारास रस्त्यावरुन चालत घरी निघाले होते. ते कमानीनजीक आले असता सांगलीच्या दिशेने जाणार्‍या दुचाकीने (क्र. एमएच 09 जेएच 5217) त्यांना पाठीमागून जोरदार धडक दिली. यामध्ये तुकाराम रस्त्यावर पडल्याने त्यांच्या डोक्यास गंभीर दुखापत झाली.
स्थानिकांनी तातडीने तुकाराम कुंभार यांना रुग्णालयात दाखल केले. परंतु उपचार सुरु असताना त्यांचा मृत्यू झाला. पोलिसांनी दुचाकी चालक अर्जुन भगवान कोळेकर (रा. कवठेपिरान) याच्यावर गुन्हा दाखल केला आहे.
Author: Rajkiya Live
दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.
