sangli atpadi news : आटपाडीचे सुपूत्र एअर व्हाईस मार्शल सुहास भंडारे यांना राष्ट्रपती अतिविशिष्ट सेवा पदक जाहीर ” आटपाडीचे सुपुत्र एअर व्हाईस मार्शल सुहास प्रभाकर भंडारे यांना भारतीय हवाईदलातील उल्लेखनीय कामगिरी बद्दल राष्ट्रपती द्रौपदी मुर्मू यांनी प्रजासत्ताक दिनाच्या पूर्वसंध्येला अतिविशिष्ट सेवा पदक जाहीर केलेआहे.या पुरस्काराने माणदेशी आटपाडी तालुक्याच्या आणि सांगली जिल्ह्याच्या शिरपेचात मानाचा तुरा खोवला गेला आहे.
sangli atpadi news : आटपाडीचे सुपूत्र एअर व्हाईस मार्शल सुहास भंडारे यांना राष्ट्रपती अतिविशिष्ट सेवा पदक जाहीर
एअर व्हाईस मार्शल सुहास भंडारे आटपाडी येथील पत्रकार आणि वृत्तपत्र विक्रेते प्रभाकर भंडारे यांचे सुपुत्र,पत्रकार प्रशांत भंडारे यांचे जेष्ठ बंधू आहेत.एअर व्हाईस मार्शल सुहास भंडारे यांनी आपल्या 36 वर्षांच्या कारकिर्दीत हवाई दलात केलेल्या असाधारण कोटीची आणि उल्लेखनीय कामगिरी केली. त्यांच्या या कामगिरीची दखल घेत राष्ट्रपती द्रौपदी मुर्मू यांनी सुहास भंडारे यांना अति विशिष्ट सेवा पदक जाहीर केले आहे.
माणदेशातील आटपाडी या छोट्याश्या तालुक्यातील सुहास भंडारे यांनी हवाईदलात मिळालेल्या संधीचे चीज केले आहे.नियुक्ती झालेल्या कामाच्या ठिकाणी त्यांनी आपल्या कामगिरीचा ठसा उमटविला आहे.
पुणे येथील सेव्हन टेट्रा स्कुलचे कमांडिंग ऑफिसर आणि पुणे येथील एअरफोर्स तळावर नाईन बी.आर.डी. चे एअर ऑफिसर कमांडिंग म्हणून त्यांनी उल्लेखनीय कामगिरी बजावली आहे.सध्या ते दिल्ली येथे सेवा बजावत आहेत.लवकरच राष्ट्रपती महोदयांच्या हस्ते हे अति विशिष्ट सेवा बदक सुहास भंडारे यांना प्रदान केले जाणार आहे.
आटपाडी येथील श्री भवानी विद्यालय, देशमुख महाविद्यालय आणि राजारामबापू हायस्कुल येथे त्यांचे शालेय आणि महाविद्यालयीन शिक्षण झाले.के.आय. टी.कॉलेज कोल्हापूर मधून त्यांनी एलेक्ट्रॉनिक्स विषयात इंजिनियरिंग पदवी तर आय.आय.टी.खरगपूर येथून त्यांनी एम.टेक पूर्ण केले. या कालावधीत सर्व शिक्षकांनी समर्पित भावनेने दिलेले ज्ञान,आणि आई (स्मिता भंडारे), वडील (प्रभाकर भंडारे) यांनी केलेले संस्कार, पत्नीची (प्रीती भंडारे) समर्थ साथ आणि कामाप्रती ठेवलेली श्रद्धा या शिदोरीच्या जोरावर हे अति विशिष्ठ सेवा पदक मिळाल्याचे सांगत देशासाठी योगदान देता आल्याचे समाधान वेगळेच आहे अशी प्रतिक्रिया एअर व्हाईस मार्शल सुहास भंडारे यांनी दिली.
बालपणापासून कोणतेही काम निष्ठेने आणि झोकून देत काम करण्याची सवय सुहासच्या अंगी होती. भारतीय हवाई दलात देखील राष्ट्रहीत आणि समर्पनाची भावना जोपासत सुहासने केलेल्या अतुलनीय कार्याच्या माध्यमातून त्याने अति विशिष्ठ सेवा पदक प्राप्त केल्याचा क्षण माझ्यासह संपूर्ण भंडारे कुटुंबियांसाठी हा अभिमानास्पद क्षण आहे -जेष्ठ पत्रकार प्रभाकर भंडारे
Author: Rajkiya Live
दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.
