ट्रॅक्टर ट्रॉलीचा हुक तुटल्याने झाला विचित्र अपघात : ट्रॉलीने पालकाला चिरडले सुदैवाने मुली वाचल्या.

sangli crime news : कर्नाळमध्ये मुलींना वाचविताना झालेल्या अपघातात वडिलांचा दुर्दैवी मृत्यू  : सांगली : कर्नाळ गावाजवळ शाळेतून मुलींना घरी घेऊन निघालेल्या पालकावर काळाने घाला घातला. उसा भरून निघालेल्या ट्रॅक्टरच्या दुसर्‍या ट्रॉलीचा जॉईंट तुटल्याने पहिल्या ट्रॉली पासून दुसरी ट्रॉली वेगळी झाली. यावेळी तीन मुलींसोबत चालत घरी निघालेल्या तरुणाने ट्रॉली मुलींच्या दिशेने येत असल्याचे पाहून क्षणाचाही विलंब न लावता झेप घेत मुलींना ढकलून वाचवले. मात्र, या अपघातात ट्रॉली वडिलांच्या अंगावरून जाऊन चिरडल्याने त्यांचा जागीच मृत्यू झाला.

sangli crime news : कर्नाळमध्ये मुलींना वाचविताना झालेल्या अपघातात वडिलांचा दुर्दैवी मृत्यू 

अभिजित निवृत्ती पाटील (वय 39 रा. कर्नाळ) असे अपघातात ठार झालेल्या तरुणाचे नाव आहे. सदरचा हृदय पिळवटून टाकणारा अपघात आज बुधवारी सायंकाळी पाच वाजण्याच्या सुमारास झाला. याबाबत पोलिसांनी दिलेली अधिक माहिती अशी की, अभिजित पाटील हे आपल्या कुटुंबियांसह कर्नाळ गावामध्ये राहत होते. त्यांची मुलगी याच परिसरात असलेल्या एका शाळेत शिकते.

अभिजित हे बुधवारी सायंकाळी त्यांची मुलगी आणि तिच्या दोन मैत्रिणींना शाळेतून आणण्यासाठी गेले होते. तिघींना शाळेतून घेऊन पुन्हा घरी चालत येण्यासाठी निघाले. कर्नाळ स्टॅन्ड हून पुढे मगदूम वस्ती जवळ येताच एक ट्रॅक्क्टर सांगलीच्या दिशेने दोन ट्रॉली ऊस भरून निघाला होता. यावेळी पहिल्या ट्रॉलीचा हुक तुटला. ट्रॅक्टर एक ट्रॉली घेऊन पुढे गेला. मागील ट्रॉली चा हूक तुटल्याने रस्त्याकडेने कर्नाळ हायस्कूल कर्नाळ येथे शिकणार्‍या आपल्या मुलींना घेऊन त्याचे वडील अभिजीत पाटील जात होते.

प्रसंगवधान राखून त्यांनी मुलींना बाजूला ढकलून दिले. ट्रॉली चे चाक त्यांच्या अंगावरून गेल्याने अभिजीत पाटील यांचा जागीच मृत्यू झाला. त्यांनी चारही मुली वाचवल्या परंतु स्वतःला वाचवण्यात त्यांना अपयश आले. मुलीचे दप्तर डब्याचे पिशवी अभिजीत पाटील यांच्या हातातच होती. त्यांची मुलगी कर्नाळ हायस्कूल येथे शिकत होती. त्यांना ते दररोज आणण्यासाठी अभिजीत पाटील जात असतात. त्यांच्या मुलीसोबत शेजारील आणखी चार मुली होत्या. झालेल्या ट्रॅक्टर अपघातात अभिजीत पाटील यांचा मृत्यू झाल्याने गावात हळहळ व्यक्त होत आहे. सांगली ग्रामीण पोलीस ठाण्यात या अपघाताची नोंद करण्याचे काम रात्री उशिरा पर्यंत सुरु होते.

Author: Rajkiya Live

दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.